Hũthagĩra jw.org Ũtungata-inĩ

Kĩndũ kĩmwe kĩa bata tũkoragwo nakĩo gĩa gũtũteithia kũhunjia ũhoro ũrĩa mwega ‘ituri-inĩ ciothe cia thĩ,’ nĩ Web site iitũ ya jw.org. (Atũm. 1:8) Andũ aingĩ matikoragwo moĩ ũhoro wa jw.org. No nĩ mamĩmenyaga thutha wa kuonio kana kwĩrũo nĩ Mũira wa Jehova.

Mũrori ũmwe ũgendaga akoragwo na video ya Wagĩrĩirũo Kwĩruta Bibilia Nĩkĩ? thimũ-inĩ yake, na nĩ amĩonanagia rĩrĩa rĩothe ona mweke wa gwĩka ũguo. Kwa ngerekano, rĩrĩa arahunjia nyũmba kwa nyũmba, oigaga ũũ: “Ndĩraceerera andũ na njĩra nguhĩ ndĩmateithie kũmenya macokio ma ciũria ithatũ cia bata: Nĩ kĩĩ gĩtũmĩte thĩ ĩkorũo na mathĩna maingĩ ũguo? Ngai akaamanina atĩa? Na tũngĩhiũrania namo atĩa ihinda-inĩ rĩrĩ? Video ĩno nguhĩ nĩ ĩcoketie ciũria icio.” Agacoka akambĩrĩria kũmĩthaaka, na akarora ũrĩa mwene nyũmba ekũmĩamũkĩra. Video ĩyo ĩgucagĩrĩria andũ aingĩ ũũ atĩ mamĩĩroragĩra kuuma kĩambĩrĩria nginya mũico matekweheria maitho. Mũrori ũcio ũgendaga acokaga akoiga ũũ: “Nĩ waigua atĩ no ũhoe wĩruti wa Bibilia kũgerera Intaneti. No rĩu tondũ ndĩ haha-rĩ, no nguonie na njĩra nguhĩ ũrĩa ũngĩĩruta.” Mwene nyũmba angĩtĩkĩra, akamuonia ũrĩa angĩĩruta Bibilia akĩhũthĩra broshua ya Ũhoro Mwega. Angĩkorũo mwene nyũmba ndarĩ na ihinda, akamwĩra atĩ nĩ akamuonia hĩndĩ ĩyo ĩngĩ amũcokera. Rĩrĩa athiĩ handũ kũnyua cai, ahũthagĩra njĩra o ta ĩyo kuonia mũndũ maikaranĩtie nake video ĩyo, thutha wa gũthondeka ũrata nake. Hihi wee nĩ ũhũthagĩra jw.org ũtungata-inĩ?