Bibilia Yugaga Atĩa?

Hihi ndini cioimanire na andũ?

ANDŨ AMWE METĨKĨTIE atĩ ndini ciambĩrĩirio nĩ andũ; nao angĩ metĩkĩtie atĩ Ngai ahũthagĩra ndini gũteithia andũ mamũkuhĩrĩrie. Ũgwĩciria atĩa?

ŨRĨA BIBILIA YUGAGA

Nĩ kũrĩ “ũndini ũrĩa wonagwo nĩ Ngai, o we Ithe witũ, wĩ mũtheru, na ũtarĩ mũthũku.” (Jakubu 1:27, The Bible in Gikũyũ) Ndini ĩrĩa theru kana ya ma yumanĩte na Ngai.

NĨ ATĨA ŨNGĨ TWĨRUTAGA KUUMA BIBILIA-INĨ?

• Nĩguo ndini ĩkenie Ngai, yagĩrĩirũo nĩ kũrutana ma cia Bibilia.​—Johana 4:23, 24.

• Ndini iria irũmagĩrĩra morutani ma andũ nĩ cia tũhũ.—Mariko 7:7, 8.

Hihi no mũhaka mũndũ akorũo arĩ wa ndini?

HIHI ŨNGIUGA ATĨA?

• Ĩĩ

• Aca

• Nĩ gũkũringana

ŨRĨA BIBILIA YUGAGA

“Nĩ twĩciranagie mũndũ na ũrĩa ũngĩ nĩguo twĩkĩranage hinya harĩ kwendana na mawĩra mega, tũtegũtiga gũcemanagia hamwe.” (Ahibirania 10:24, 25) Ngai endaga arĩa mamũthathayagia macemanagie hamwe marĩ gĩkundi.

NĨ ATĨA ŨNGĨ TWĨRUTAGA KUUMA BIBILIA-INĨ?

• Arĩa mathathayagia Ngai hamwe magĩrĩirũo gũkorũo na wĩtĩkio ũmwe.​—1 Akorintho 1:10, 11.

• Arũmĩrĩri a ndini ĩrĩa Ngai etĩkĩrĩte makoragwo marĩ ariũ a Ithe ũmwe thĩinĩ wa thĩ yothe.​—1 Petero 2:17.