Bibilia Yugaga Atĩa?
Hihi Ngai Acokagia Mahoya Mothe?
HIHI ŨNGIUGA ACOKAGIA MAHOYA MA . . .
Andũ othe
Andũ amwe
Ndacokagia
ŨRĨA BIBILIA YUGAGA
‘Jehova-rĩ, . . . akoragwo hakuhĩ na arĩa othe mamũkayagĩra . . . na ma.’ —Thaburi 145:18.
NĨ ATĨA ŨNGĨ TŨNGĨĨRUTA KUUMA BIBILIA-INĨ?
Ngai ndathikagĩrĩria mahoya ma arĩa matamwathĩkagĩra. (Isaia 1:15) O na kũrĩ ũguo no mathondeke maũndũ hamwe nake na njĩra ya kũrũnga mĩthiĩre yao.—Isaia 1:18.
Nĩguo Ngai acokie mahoya, no mũhaka maringane na wendi wake ũrĩa ũrĩ thĩinĩ wa Bibilia.—1 Johana 5:14.
Hihi nĩ kũrĩ njĩra ya gũikara rĩrĩa tũrahoya?
ANDŨ AMWE METĨKĨTIE atĩ no mũhaka hĩndĩ ciothe maturie maru, mainamie mĩtwe, kana manyitane moko rĩrĩa marahoya. Wee wonaga atĩa?
ŨRĨA BIBILIA YUGAGA
Ngai nĩ eetĩkĩrire ihoya rĩa Daudi ũrĩa wahoire aikarĩte thĩ, Alawii arĩa maahoire marũgamĩte, Ezara ũrĩa wahoire agĩĩtungumanagia, o na Petero ũrĩa waturĩtie maru. (1 Maũndũ ma Matukũ ma Tene 17:16; 2 Maũndũ ma Matukũ ma Tene 30:27; Ezara 10:1; Atũmwo 9:40) Ndatũigĩire watho wa gũikara na njĩra ya mũthemba mũna rĩrĩa tũramũhoya.
NĨ ATĨA ŨNGĨ TŨNGĨĨRUTA KUUMA BIBILIA-INĨ?
Ngai athikagĩrĩria andũ arĩa ahooreri. —Thaburi 138:6.
No ũhoe na rũthiomi o ruothe o na kana na ngoro.—2 Maũndũ ma Matukũ ma Tene 6:32, 33; Nehemia 2:1-6.