Rĩandĩko rĩa o Mũthenya Rĩtirĩaragĩrĩrio Mĩcemanio-inĩ ya Kũhunjia

Mahinda mathiru-rĩ, nĩ kũngĩraarĩrĩirio na njĩra nguhĩ rĩandĩko rĩa mũthenya ũcio angĩkorũo nĩ rĩhutanĩtie na wĩra wa kũhunjia. Ũndũ ũcio rĩu ndũgũcoka gwĩkwo. Kabuku ga Kuyachunguza Maandiko Kila Siku gatigũcoka kũhũthĩrũo karĩ ta mũthingi wa ndeereti hĩndĩ ya mĩcemanio ya gũthiĩ kũhunjia. O ta hau kabere-rĩ, arĩa maratongoria no mahũthĩre Bibilia, Ũtungata Witũ wa Ũthamaki, ibuku rĩa Shule ya Huduma, na rĩa Kutoa Sababu, kana ũhoro ũngĩ ũhutanĩtie na wĩra wa kũhunjia. Arĩa magaĩirũo gũtongoria mũcemanio ũcio magĩrĩirũo gũkorũo mehaarĩirie wega mateithie arĩa marathiĩ kũhunjia na kaũndũ mangĩhũthĩra mũthenya ũcio. O ta ũrĩa kũrarĩ, mũcemanio ũcio ndwagĩrĩirũo kuoya makĩria ma ndagĩka 10 nginya 15 na wagĩrĩirũo gũkorũo ũrĩ mũkuhĩ makĩria angĩkorũo ũrekwo thutha wa mũcemanio wa kĩũngano.