Jehovah’s Witnesses—Organized to Share the Good News
Kwa makĩria ma mĩaka 100, Aira a Jehova makoretwo makĩhunjia ũhoro ũrĩa mwega. Wĩra-inĩ wa kũhunjia ũrĩa ũkoretwo ũrĩ mũnene mũno thĩinĩ wa thĩ yothe, tũheanaga ndũmĩrĩri ĩno mabũrũri-inĩ makĩrĩa ma 230 na thiomi nyingĩ. (Mat. 24:14) Nĩkĩ wĩra ũcio nĩ wa bata? Ũrarutwo atĩa thĩinĩ wa thĩ yothe? Video Jehovah’s Witnesses—Organized to Share the Good News nĩ ĩcokagia ciũria icio na njĩra ĩngĩtũteithia kuona mawĩra maingĩ marĩa Aira a Jehova marutaga thĩ yothe. Thutha wa kwĩrorera video ĩyo, cokia ciũria ici irĩ haha mũhuro.
Video ĩno ĩratũteithirie atĩa kũmenya wega (1) ũrĩa ithondeka rĩa Jehova rĩrerutanĩria wĩra-inĩ wa kũhunjia ũhoro ũrĩa mwega? (2 Tim. 4:2) (2) famĩlĩ cia Betheli iria irĩ thĩinĩ wa thĩ yothe? (3) cukuru iria ikoragwo kuo nĩ ũndũ wa amishonarĩ na arori? (2 Tim. 2:2) (4) bata wa kwambĩrĩria o thikũ na gũthoma rĩandĩko rĩa Bibilia na kũhaarĩria mĩcemanio ya o kiumia? (Atũm. 17:11) (5) ũguni wa gũthiĩ mĩcemanio ya Gĩkristiano? (Ahib. 10:24, 25) (6) irathimo iria ũkoona thĩinĩ wa Paradiso gũkũ thĩ? (Isa. 11:9) (7) mweke ũrĩa wĩ naguo wĩra-inĩ ũrĩa ũrathiĩ na mbere wa magetha?—Joh. 4:35.
Video ĩno nĩ yonekete ĩrĩ ya bata mũno harĩ gũteithia andũ arĩa marakenio nĩ ndũmĩrĩri ya Bibilia mamenye ũrĩa wĩra wa thĩ yothe ũrutagwo nĩ Aira a Jehova. (8) Nĩ ihinda rĩrĩkũ rĩega rĩa kuonia arutwo a Bibilia, andũ arĩa twĩtainwo, na andũ angĩ video ĩno? (9) Andũ arĩa wonetie video ĩyo makoretwo na mawoni marĩkũ mega?
O tũgĩciragia maũndũ marĩa Jehova arahingia-rĩ, nĩ twĩtĩkanagia na ciugo ici cia mwandĩki wa Thaburi: “Wee Jehova Ngai wakwa-rĩ, maũndũ ma magegania nĩ maingĩ marĩa wee ũtwĩkĩire, o gwata meciria marĩa ũtwĩciragĩria ithuĩ: gũtirĩ mũndũ ũngĩhota kũmaarania mbere-inĩ yaku.” (Thab. 40:5) Rekei tũhũthĩre wega video ĩno gũteithia andũ arĩa angĩ mamenye Jehova na ithondeka rĩake!