Mashahidi wa Yehova —Imani Yenye Matendo, Sehemu ya 2: Nuru na Iangaze
Thutha wa mũrũ wa Ithe witũ Rutherford na athiritũ ake kũrekio njera mwaka wa 1919, nĩ kwarĩ na wĩra mũnene mũno wa Arutwo a Bibilia. O ta ũrĩa honanĩtio thĩinĩ wa video ya Mashahidi wa Yehova—Imani Yenye Matendo, Sehemu ya 2: Nuru na Iangaze, Arutwo acio a Bibilia nĩ mangĩagĩire na akararia aingĩ, ũtaũku wao wa Maandĩko nĩ ũngĩathire na mbere kuongerereka, na wĩtĩkio wao nĩ ũngĩagacĩrire. (Thim. 4:18; Mal. 3:1-3; Joh. 15:20) Werorera video ĩyo-rĩ, hihi no ũhote gũcokia ciũria ici?
(1) Arutwo a Bibilia maahũthagĩra njĩra irĩkũ kũhunjia ũhoro ũrĩa mwega? (2) Nĩ ũndũ ũrĩkũ wekĩkire igomano-inĩ nene cia 1931 na 1935? (3) Nĩ ũndũ ũrĩkũ wa mwanya warĩ ngathĩti-inĩ ya Watchtower ya Novemba 1, 1939? (4) Taarĩria ũrĩa gwekĩkire Madison Square Garden rĩrĩa mũrũ wa Ithe witũ Rutherford aaheanaga mĩario “Thirikari na Thayũ.” (5) Nĩ ũndũ ũrĩkũ wa kũririkanwo wĩgiĩ mĩario “Thayũ—Hihi No Ũtũũre?” ĩrĩa yarutirũo nĩ mũrũ wa Ithe witũ Knorr? (6) Mwaka-inĩ wa 1942, nĩ mĩbango ĩrĩkũ Aira a Jehova meekire nĩguo mandandũre wĩra wao wa kũhunjia? (7) Taarĩria mamwe ma maciira marĩa maahootanirũo U.S., Kanada, na Ngiriki. (8) Cukuru ya Gileadi yateithirie atĩa harĩ gũkũra kwa wĩra wa kũhunjia? (9) Nĩ wĩra ũrĩkũ wa bata waambĩrĩirie mwaka wa 1946, na nĩkĩ? (10) Aira a Jehova mooire makinya marĩkũ nĩguo matigĩrĩre atĩ mĩthiĩre yao nĩ ĩraringana na ithimi cia Bibilia? (11) Taarĩria mamwe ma mogarũrũku marĩa meekirũo mĩaka-inĩ ya 1970 nĩguo ithondeka rĩke maũndũ kũringana na Bibilia. (12) Kwĩrorera video ĩno gũgũteithĩtie atĩa ũtaũkĩrũo biũ atĩ ithondeka rĩrĩ rĩtongoragio nĩ Jehova na atĩ nĩ rĩake? (13) Video ĩno ĩkĩrĩte itua rĩaku hinya atĩa gũthiĩ na mbere kũhunjia ũrĩ na kĩyo o na kũrĩ na mĩhĩnga? (14) Tũngĩhũthĩra video ĩno atĩa gũteithia andũ a famĩlĩ ciitũ, arutwo a Bibilia, na andũ angĩ?
O mũthenya nĩ kũgĩaga maũndũ merũ thĩinĩ wa historĩ ya Aira a Jehova. Maũndũ ma thutha-inĩ makonania kĩ ũhoro-inĩ wĩgiĩ kĩyo giitũ ũtungata-inĩ? O ta ũrĩa aarĩ na ariũ a Ithe witũ meekire, nĩ tũthiĩi na mbere tũrĩ na kĩyo ‘kũreka ũtheri witũ ware’!— 2 Kor. 4:6.