Rĩtariĩ Atĩa?

Kĩu nĩ kĩũria kĩega kwĩyũria igũrũ rĩgiĩ ibuku o rĩothe tũrabanga kũheana. Ibuku ikũnjaru, rĩhĩĩte rangi, rĩrĩ na gĩko, kana itarũku no rĩrehere ithondeka riitũ mbica njũru, na ningĩ no rĩtũme mwene nyũmba aage gũteithĩka kuumana na ndũmĩrĩri ya kũhonokania ĩrĩa ĩrĩ ibuku-inĩ rĩu.

Tũngĩiga mabuku maitũ marĩ matheru na njĩra ĩrĩkũ? Andũ aingĩ monaga arĩ wega kũbanga mondo yao ya kũhunjia nĩguo indo iria ihaanaine ciikare handũ hamwe. Kwa ngerekano, thĩinĩ wa mondo ciao nĩ marĩ handũ ha mabuku, ngathĩti na broshua, trakti, na ha indo ingĩ. Hĩndĩ ciothe magĩcokia Bibilia na mabuku mondo-inĩ mekaga ũguo marĩ na ũbaarĩrĩri nĩguo matigathũke. Ahunjia amwe maigaga mabuku mao tũmĩhuko-inĩ tũnini kana tũmĩhuko-inĩ twa plastĩki tũngĩikio mondo-inĩ. Gũtekũmakania njĩra ĩrĩa tũkũhũthĩra, tũtingĩenda mũndũ o na ũmwe onere wĩra witũ wa kũhunjia mahĩtia nĩ ũndũ wa kũmũhe ibuku ithũkangu.—2 Kor. 6:3.