Ũrĩa Ũngiuga

Ũkĩambĩrĩria Kwĩruta Bibilia na Andũ Njuuma ya Mbere ya Mweri wa Dicemba

“Hihi nĩ ũgwĩciria andũ arĩa merutanagĩria gwathĩkĩra Ngai ta makoragwo na gĩkeno makĩria? [Eterera acokie.] Gĩcunjĩ gĩkĩ kĩrĩ na maũndũ mega kĩragweta.” Nengera mwene nyũmba ngathĩti ya Mũrangĩri ya Dicemba 1, mũcoke mũthome na mwarĩrĩrie ũhoro thĩinĩ wa kĩongo kĩmwe kĩnini karatathi-inĩ ka 30-31. Geria wone nĩ mwathoma rĩandĩko rĩmwe. Mũtigĩre ngathĩti, na ũbange kũmũcokera nĩguo mwarĩrĩrie kĩũria kĩrĩa kĩrũmĩrĩire.

Mũrangĩri Dicemba 1

“Andũ amwe nĩ monaga ithimi cia Bibilia ciĩgiĩ ngomanio ta ihĩtũkĩtwo nĩ mahinda na ta irĩ nditũ mũno. Angĩ nao nĩ metĩkanagia na ũrĩa Bibilia yugaga. Woni waku nĩ ũrĩkũ? [Eterera acokie.] Ta rora haha wone kũrĩa ithimi cia Bibilia ciumĩte. [Thoma 2 Timotheo 3:16.] Ngathĩti ĩno nĩ ĩronania ũrĩa Bibilia ĩcokagia ciũria ikũmi ciũragio kaingĩ ciĩgiĩ ngomanio. Ningĩ nĩ ĩtaarĩirie ũrĩa ithimi cia Bibilia itũgunaga.”

Amkeni! Dicemba

Thoma 2 Timotheo 3:16. Ũcoke uuge: “Andũ amwe nĩ metĩkĩtie atĩ Bibilia yatongoririo nĩ Ngai, no angĩ matiĩtĩkĩtie ũguo. Woni waku nĩ ũrĩkũ? [Eterera acokie.] O na gũtuĩka andũ makoragwo na mawoni matiganĩte ũhoro-inĩ ũcio-rĩ, aingĩ no metĩkĩre atĩ, gũtirĩ ibuku rĩngĩ rĩgeretie kũniinwo na njĩra nyingĩ ta Bibilia. Ngathĩti ĩno nĩ ĩtaarĩirie maũndũ mamwe marĩa mekĩtwo kwa ihinda rĩa mĩaka mĩingĩ andũ makĩgeria gũthũkia Bibilia na kũgirĩrĩria ĩthomwo. Ningĩ nĩ ĩtaarĩirie kĩrĩa gĩtũmĩte ĩhote gwĩtiria.”