Ũrĩa Ũngiuga

Ũkĩambĩrĩria Kwĩruta Bibilia na Andũ Njuuma ya Mbere ya Julaĩ

“Mĩaka-inĩ ya ica ikuhĩ andũ nĩ makoretwo makĩaria mũno ũhoro wa araika. Nĩ ũkuona ta kũrĩ araika? [Eterera macokio.] Ta rora wone ũrĩa haha haroiga.” Nengera mwene nyũmba ngathĩti ya Mnara wa Mlinzi ya Julaĩ 1, na mwarĩrĩrie ũhoro ũrĩ kĩongo-inĩ kĩnini kĩa mbere karatathi-inĩ ga 16 na rĩandĩko rĩmwe ũguo rĩa marĩa monanĩtio. Mũtigĩre ngathĩti, na mũbange atĩ nĩ ũgaacoka mwarĩrĩrie kĩũria kĩrĩa kĩrũmĩrĩire.

Mũrangĩri Julaĩ 1

Thoma Thaburi 65:2. Ũcoke uuge: “Andũ aingĩ nĩ metĩkagĩra atĩ Ngai nĩwe ‘Mũigua wa mahoya,’ na nĩ mahoyaga o mũthenya. Ĩndĩ amwe nĩ meyũragia, ‘Angĩkorũo nĩ kũrĩ Ngai-rĩ, nĩkĩ thĩ ĩiyũrĩtwo nĩ mathĩna?’ Ũgwĩciria atĩa? Hihi nĩ kũrĩ Ngai ũiguaga mahoya maitũ? [Eterera macokio.] Ngathĩti ĩno yarĩrĩirie macokio ma Bibilia ma kĩũria gĩkĩ: ‘Mũigua wa mahoya etĩkĩrĩtie mĩnyamaro nĩkĩ?’”

Amkeni! Julaĩ

“Korũo no ũhote kũrehe ũgarũrũku ũmwe thĩinĩ wa thĩ-rĩ, ũngĩrehe ũrĩkũ? [Eterera macokio.] Bibilia nĩ yonanagia nĩkĩ andũ matingĩhota kũrehe ũgarũrũku maũndũ-inĩ mothe. [Thoma Jeremia 10:23.] Ngathĩti ĩno ĩrataarĩria ũgarũrũku ũrĩa Ngai atanyĩte kũrehe.”