Ũrĩa Ũngiuga

Ũkĩambĩrĩria Kwĩruta Bibilia na Andũ Njuuma ya Mbere ya Julaĩ

“Ũgwĩciria Ngai onaga atĩa mahoya maitũ? Hihi nĩ onaga marĩ ma bata, kana ndatindanagĩra namo?” Eterera acokie. Muonie kĩũria kĩa mbere kĩrĩa kĩrĩ na thutha wa ngathĩti ya Mũrangĩri ya Julaĩ 1, na mwarĩrĩrie ũhoro ũrĩa ũrĩ rungu rwa kĩũria kĩu mũcoke mũthome na arĩ rĩandĩko rĩmwe rĩa marĩa monanĩtio. Mũhe ngathĩti cierĩ na ũbange kũmũcokera nĩguo mwarĩrĩrie kĩũria kĩrĩa kĩrũmĩrĩire.

Mũrangĩri Julaĩ 1

“Hihi Ngai nĩwe ũtũmaga maũndũ marĩa moru meekĩke atĩ tondũ nĩwe mwene-hinya-wothe? [Eterera acokie. Ũcoke ũthome Jakubu 1:13.] Ngathĩti ĩno nĩ ĩtaarĩirie kĩrĩa gĩtũmaga maũndũ moru meekĩke, na ĩkonania ũrĩa Ngai ageeka nĩguo aniine mĩnyamaro na maũndũ mangĩ moru marĩa makoraga andũ.”

Amkeni! Julaĩ

“Gũtirĩ mũndũ ũtacemanagia na mogwati, icanjama, mĩrimũ mĩũru o na kana gĩkuũ kĩa mũndũ endete. Hihi nĩ maũndũ marĩkũ mangĩtũteithia kũhiũrania na moritũ ta macio? [Eterera acokie.] Motaaro ma Bibilia nĩ mateithĩtie andũ aingĩ kũhiũrania na maũndũ ta macio moru. [Thoma Aroma 15:4.] Ngathĩti ĩno nĩ ĩtaarĩirie ũrĩa Bibilia ĩngĩtũteithia kũhiũrania na ũndũ mũritũ.”