Ũrĩa Ũngiuga

Ũkĩambĩrĩria Kwĩruta Bibilia na Andũ Njuuma ya Mbere ya Mweri wa Julaĩ

“Hihi nĩ ũrĩ weyũria kĩrĩa gĩtũmaga Ngai etĩkĩrie waganu na mĩnyamaro? [Eterera acokie.] No nyende gũkuonia ũndũ ũngĩgũkenia wĩgiĩ ũhoro ũcio.” Thomai hamwe nake ũhoro ũrĩa ũrĩ rungu rwa kĩongo kĩnini kĩa mbere karatathi-inĩ ga 12 ngathĩti-inĩ ya Mũrangĩri ya Juni 1, na mũthome rĩandĩko rĩmwe rĩa marĩa monanĩtio. Mũhe ngathĩti, na ũbange kũmũcokera nĩguo mwarĩrĩrie kĩũria kĩrĩa kĩrũmĩrĩire.

MŨRANGĨRI Juni 1

Thoma Thaburi 37:10, 11. Ũcoke ũũrie ũũ: “Hihi wee nĩ ũkuona ta kĩĩranĩro kĩu kĩrĩhinga ica ikuhĩ? [Eterera acokie.] Ngathĩti ĩno ĩraarĩrĩria morathi matandatũ ngũrani ma Bibilia, marĩa tũrona makĩhinga ũmũthĩ, morathi maronania atĩ kĩĩranĩro kĩu kĩrĩ hakuhĩ kũhinga.”

Amkeni! Julaĩ

Gweta gĩcanjama kĩranĩrĩirũo nĩ nyũmba cia mohoro. Ũcoke uuge ũũ: “Ũreciria nĩ kĩĩ gĩtũmaga Ngai etĩkĩrie maũndũ ta macio mekĩke? [Eterera acokie.] Kũringana na Bibilia, Ngai nĩ aiguaga tha nĩ ũndũ wa andũ arĩa maranyamarĩka. [Thoma Tham. 3:7.] Ningĩ Bibilia nĩ ĩtwĩraga kĩrĩa gĩtũmaga Ngai etĩkĩrie mĩnyamaro ĩthiĩ na mbere na ĩgatwĩra atĩ o ica ikuhĩ nĩ ekũniina mĩnyamaro ĩyo tene na tene. Ngathĩti ĩno nĩ ĩtaarĩirie ũndũ ũcio.”