Ũrĩa Ũngiuga

Ũkĩambĩrĩria Kwĩruta Bibilia na Andũ Njuuma ya Mbere ya Julaĩ

“Hakuhĩ andũ othe itũũra-inĩ riitũ no mende gũtũũra matukũ maingĩ marĩ na gĩkeno. Nĩ ũndũ ũcio no twende kũigua mawoni maku megiĩ kĩũria gĩkĩ: Nĩ ũkuona ta kũrĩ hĩndĩ sayansi na ũrigitani ikaahota gũteithia andũ matũũre tene na tene? [Eterera acokie.] Ta rora ũrĩa haha haroiga.” Muonie karatathi ka mũthia ka Mũrangĩri wa Julaĩ 1, na mwarĩrĩrie ũhoro ũrĩa ũrĩ rungu rwa kĩũria kĩa mbere na rĩandĩko na arĩ rĩmwe rĩa marĩa monanĩtio. Mũtigĩre ngathĩti icio, na mũbange ũgaacoka mwarĩrĩrie kĩũria kĩrĩa kĩrũmĩrĩire.

Ririkana: Kĩonereria gĩkĩ kĩagĩrĩirũo gwĩkwo hĩndĩ ya mũcemanio wa ũtungata wa Julaĩ 6.

Mũrangĩri Julaĩ 1

“Andũ aingĩ arĩa twanaranĩria nao nĩ marĩ ndini iria mathomaga. No nĩ harĩ angĩ moigaga atĩ matiĩtĩkĩtie ndini. Hihi mawoni maku nĩ marĩkũ ũhoro-inĩ wĩgiĩ ndini? [Eterera acokie.] Jesu nĩ aatũteithirie ũrĩa tũngĩkũũrana ndini ya ma na ya maheeni. [Thoma Luka 6:44a.] Ngathĩti ĩno nĩ yarĩrĩirie mamwe ma maciaro moru marĩa ndini iciaraga. Ningĩ nĩ ĩcoketie kĩũria gĩkĩ: Hihi no twĩhoke ndini o yothe?”

Amkeni! Julaĩ

“Tũraceerera andũ tũkĩaria nao ũhoro wĩgiĩ thĩna ũmwe ũrathumbũra andũ mũno, wagi wa kĩhooto. Andũ amwe marũaga na wagi wa kĩhooto na njĩra ya kũrũrũngana. Hihi nĩ ũkuona ta andũ arĩa marũrũnganaga mateithĩkaga? [Eterera acokie.] Ta rora ũrĩa Bibilia yonanagia kĩrĩa gĩkaarehe ũgarũrũku wa ma gũkũ thĩ. [Thoma Mathayo 6:9, 10.] Ngathĩti ĩno nĩ ĩcoketie kĩũria gĩkĩ: Hihi kũrũrũngana nĩkuo kĩhonia?”

Ũhoro Mwega Kuuma Kũrĩ Ngai!

“Tũraceerera famĩlĩ itũũra-inĩ rĩrĩ rĩanyu nĩguo twarĩrĩrie ũndũ ũmwe wa gwĩkĩra ngoro kuuma Bibilia-inĩ. Andũ aingĩ arĩa twarĩtie nao nĩ marigagwo kĩrĩa gĩtũmaga Ngai ũrĩ wendo etĩkĩrie mĩnyamaro thĩinĩ wa thĩ. Hihi nĩ ũkuona ta Ngai akĩũmba thĩ aarĩ na muoroto andũ manyamarĩkage?” Eterera acokie. Ũcoke ũhumbũrie Ithomo rĩa 5, mũthome na mwarĩrĩrie ibungo cia mbere igĩrĩ na maandĩko marĩa mainamie. Mũtigĩre broshua ĩyo na ũbange gũgaacoka nĩguo mwarĩrĩrie kĩũria kĩrĩa kĩrũmĩrĩire kĩrĩa kĩandĩkĩtwo na ndemwa ngwatu rangi.