Ũrĩa Ũngiuga

Ũkĩambĩrĩria Kwĩruta Bibilia na Andũ Njuuma ya Mbere ya Mĩĩ

“Hihi ndini itũmaga andũ mendane na magĩe na thayũ kana itũmaga mathũũrane na marũe? [Eterera macokio.] Reke nguonie ũndũ wa kũgucĩrĩria ũkonainie na ũhoro ũcio.” Nengera mwene nyũmba Mnara wa Mlinzi wa Mĩĩ 1, mũcoke mwarĩrĩrie ũhoro ũrĩa ũrĩ rungu rwa kĩongo kĩnini kĩa mbere karatathi-inĩ ga 16 na mũthome rĩandĩko ta rĩmwe rĩa marĩa monanĩtio. Mũtigĩre ngathĩti na ũbange gũcoka nĩguo mwarĩrĩrie kĩũria kĩrĩa kĩrũmĩrĩire.

Mũrangĩri Mĩĩ 1

“Andũ aingĩ metĩkĩtie atĩ ti ũũru ndini kwĩingĩria maũndũ-inĩ ma ũteti, nao angĩ makona arĩ ũũru gũtukania ndini na ũteti. Ũgwĩciria atĩa? [Eterera macokio.] Ta rora wone ũrĩa Jesu eekire rĩrĩa andũ meendaga eingĩrie ũteti-inĩ wa hĩndĩ yake. [Thoma Johana 6:15.] Ngathĩti ĩno ĩtaarĩirie kĩrĩa gĩatũmire Jesu aiyũkie maũndũ na njĩra ĩyo na ĩkarĩrĩria njĩra ĩrĩa njega biũ Akristiano mangĩhũthĩra gũteithia andũ itũũra-inĩ rĩao.”

Amkeni! Mĩĩ

“Hakuhĩ andũ othe arĩa twaragia nao, maanekwo ũndũ ũtarĩ wa kĩhooto. Nĩ ũkuona ta kũrĩ kĩndũ kĩngĩnina wagi wa kĩhooto? [Eterera macokio.] Ta rora wone ũrathi ũyũ wĩgiĩ mũthamaki ũrĩa ũkaaniina wagi wa kĩhooto. [Thoma Thaburi 72:11-14.] Ngathĩti ĩno yarĩrĩirie ciĩranĩro cia Bibilia ciĩgiĩ ihinda gũgaakorũo na kĩhooto.”