Ũrĩa Ũngiuga

Ũkĩambĩrĩria Kwĩruta Bibilia na Andũ Njuuma ya Mbere ya Juni

Thoma Isaia 42:8. Ũcoke uuge: “Kũringana na rĩandĩko rĩrĩ, Ngai nĩ arĩ rĩĩtwa. Hihi nĩ ũgwĩciria nĩ harĩ bata ithuĩ kũhũthĩra rĩĩtwa rĩa Ngai? [Eterera macokio.] Ta rora ũrĩa haha haroiga.” Nengera mwene nyũmba ngathĩti ya Mnara wa Mlinzi ya Juni 1, na mwarĩrĩrie hamwe ũhoro ũrĩ rungu rwa kĩongo kĩnini kĩa mbere karatathi-inĩ ga 16. Mũnengere ngathĩti icio, na ũbange gũcoka nĩguo mwarĩrĩrie kĩũria kĩrĩa kĩrũmĩrĩire.

Mũrangĩri Juni 1

“No nyende gũkũũria mawoni maku megiĩ ũndũ ũyũ wa bata. [Guũria karatathi ga 3, na ũmuonie maũndũ marĩa marĩ ho.] Nĩ ũndũ ũrĩkũ harĩ maya ũtaarĩirie mawoni maku kwerekera Bibilia? [Eterera macokio.] Ta rora wone ũrĩa Bibilia yugaga ũhoro-inĩ wayo nyene. [Thoma Aroma 15:4.] Ngathĩti ĩno yarĩrĩirie itũmi ithano cia Bibilia gũkorũo ĩrĩ ibuku rĩa mwanya na nĩ yonanĩtie ũrĩa Bibilia ĩngĩtũguna.”

Amkeni! Juni

“O mwaka andũ milioni nyingĩ thĩinĩ wa thĩ nĩ makuaga nĩ ũndũ wa kũrĩa irio njũru. Kũringana mawoni maku-rĩ, ũngiuga atĩa igũrũ rĩgiĩ irio iria irĩagwo itũũra-inĩ riitũ? [Eterera macokio.] Ngathĩti ĩno nĩ ĩtaarĩirie njĩra inya tũngĩgitĩra famĩlĩ ciitũ kuumana na mĩrimũ ĩrĩa ĩrehagwo nĩ irio njũru. Ningĩ nĩ yarĩrĩirie kĩĩranĩro kĩa Bibilia atĩ ica ikuhĩ andũ othe nĩ magaakenera bũthi wa irio njega.” Thoma Thaburi 104:14, 15.