Ũrĩa Ũngiuga

Ũkĩambĩrĩria Kwĩruta Bibilia na Andũ Njuuma ya Mbere ya Mweri wa Ĩpuro

“Hihi nĩ ũkuona Ngai ta akoragwo na ithondeka mahinda-inĩ maya, kana arũmbũyanagia na mũndũ ũmwe ũmwe? [Eterera acokie.] Tarora wone ũrĩa haha haroiga ũhoro wĩgiĩ andũ Ngai aatuĩte ithondeka mĩaka mĩingĩ mĩhĩtũku.” Humbũria karatathi ka 30 ka ngathĩti ya Mũrangĩri ya Machi 1, na mwarĩrĩrie nake kĩongo kĩnini kĩa mbere na rĩandĩko o na akorũo no rĩmwe rĩa marĩa monanĩtio. Mũtigĩre magathĩti, mũcoke mũbange atĩ nĩ ũgaacoka nĩguo mwarĩrĩrie kĩũria kĩrĩa kĩrũmĩrĩire.

Mũrangĩri Machi 1

“Ihinda-inĩ rĩa mĩaka mĩnyinyi mĩhĩtũku andũ nĩ makoretwo makĩaria mũno ũhoro wa Hari–Magedoni. Hihi nĩ ũkuona ta kũrĩ ũndũ andũ mangĩka magirĩrĩrie Hari–Magedoni ndĩgoke? [Eterera acokie.] Kiugo Hari–Magedoni gĩkoragwo kiumĩte haha. [Thoma Kũguũrĩrio 16:16. Ũcoke ũmuonie ngothi ya ngathĩti ĩyo.] Ngathĩti ĩno nĩ ĩheanĩte macokio ma Bibilia megiĩ ciũria ici.”

Amkeni! Ĩpuro

“Tũraria na andũ thĩinĩ wa famĩlĩ. Hihi no wĩtĩkĩre atĩ famĩlĩ irĩ na mathĩna maingĩ ũmũthĩ? [Eterera macokio.] Tarora wone harĩa famĩlĩ nyingĩ irutĩte ũtaaro wa gũciteithia. [Thoma Thaburi 119:105.] Ngathĩti ĩno ĩrarĩrĩria ũrĩa famĩlĩ cia mũciari mũreri ihotete gũtooria mathĩna ma cio na njĩra ya kũrũmĩrĩra motaaro ma Bibilia.”