Ũrĩa Ũngiuga

Ũkĩambĩrĩria Kwĩruta Bibilia na Andũ Njuuma ya Mbere ya Novemba

“Andũ aingĩ nĩ metĩkĩtie atĩ mũthenya ũmwe Ngai nĩ akaamacirithia kũringana na ciĩko ciao. Hihi wonaga Mũthenya wa Cira ũrĩ wa kwĩrirĩrio-ĩ kana gwĩtigĩrũo? [Eterera acokie.] Ta rora ũrĩa haha haroiga.” Nengera mwene nyũmba ngathĩti ya Mũrangĩri ya Oktomba-Dicemba, na mwarĩrĩrie ũhoro ũrĩa ũrĩ rungu rwa kĩongo kĩnini kĩa mbere karatathi-inĩ ga 16 na rĩandĩko na arĩ rĩmwe rĩa marĩa monanĩtio. Mũtigĩre magathĩti, mũcoke mũbange ũgaacoka nĩguo mwarĩrĩrie kĩũria kĩrĩa kĩrũmĩrĩire. Angĩkorũo mũtirĩ na ngathĩti icio, no mũhũthĩre ngathĩti cia ica ikuhĩ iria mũrĩ nacio kĩũngano-inĩ mũkĩhũthĩra Ũtungata Witũ wa Ũthamaki ũrĩa wonanĩtie ũrĩa cingĩheanwo.

Mũrangĩri Oktomba-Dicemba

Thoma Thaburi 65:2. Ũcoke uuge: “Andũ aingĩ nĩ metĩkagĩra atĩ Ngai nĩwe ‘Mũigua wa mahoya,’ na nĩ mahoyaga o mũthenya. Ĩndĩ amwe nĩ meyũragia, ‘Angĩkorũo nĩ kũrĩ Ngai-rĩ, nĩkĩ thĩ ĩiyũrĩtwo nĩ mathĩna?’ Ũgwĩciria atĩa? Hihi nĩ kũrĩ Ngai ũiguaga mahoya maitũ? [Eterera macokio.] Ngathĩti ĩno yarĩrĩirie macokio ma Bibilia ma kĩũria gĩkĩ: ‘Mũigua wa mahoya etĩkĩrĩtie mĩnyamaro nĩkĩ?’”

Amkeni! Novemba

“Tũraceerera andũ ũmũthĩ tũkĩenda gũteithia famĩlĩ. Famĩlĩ iria ikoragwo na mũciari ũmwe nĩ cingĩhĩte mũno. Hihi nĩ ũkuona ta ikoragwo na moritũ maingĩ gũkĩra famĩlĩ iria irĩ na aciari erĩ? [Eterera acokie.] Aciari aingĩ nĩ monete ũtaaro ũngĩmateithia thĩinĩ wa Bibilia. [Thoma 2 Timotheo 3:16.] Ngathĩti ĩno nĩ yonanĩtie maũndũ mangĩteithia aciari arĩa mararera marĩ oiki nĩguo magaacĩre harĩ kũhingia wĩra ũcio mũritũ.”