Ũrĩa Ũngiuga

Ũkĩambĩrĩria Kwĩruta Bibilia na Andũ Njuuma ya Mbere ya Mweri wa Novemba

“Andũ kuuma mabũrũri na ndini itiganĩte mahoyaga o mũthenya. Ũgwĩciria Ngai nĩ athikagĩrĩria na agacokia mahoya macio mothe?” Eterera acokie. Ũcoke ũmũhe ngathĩti ya Mũrangĩri ya Oktomba 1, na mwarĩrĩrie ũhoro ũrĩ rungu rwa kĩongo kĩnini kĩa mbere karatathi-inĩ ka 30 na mũthome rĩandĩko rĩmwe rĩa marĩa monanĩtio. Mũhe ngathĩti, na ũbange kũmũcokera nĩguo mwarĩrĩrie kĩũria kĩrĩa kĩrũmĩrĩire.

Mũrangĩri Oktomba 1

YANAGĨRĨRA ŨTHAMAKI WA JEHOVA

Onania ngothi ya ngathĩti ĩyo, ũcoke ũũrie ũũ: “Ũngĩcokia atĩa kĩũria gĩkĩ? [Eterera acokie.] Ta rora ũrĩa Bibilia yugĩte. [Thoma 1 Johana 5:19.] Kũringana na rĩandĩko rĩrĩ, “ũcio mũũru,” kana Mũcukani, nĩwe wathaga thĩ. No ũndũ ũcio nĩ ũtũmaga twĩyũrie ciũria. Mũcukani oimire kũ? Hihi we nĩ mũndũ wa ma? Ngai ekũmwĩtĩkĩria aathane nginya rĩ? Ngathĩti ĩno ĩronania ũrĩa Bibilia yugĩte.”

Amkeni! Novemba

“Tũngĩbaara wega thĩ na igũrũ, ũndũ ũcio ũtũmaga tũgĩe na mawoni marĩkũ, hihi nĩ mawoni ma atĩ nĩ kũrĩ Mũũmbi kana atĩ indo ciothe cieyumĩririe o ro ũguo? [Eterera acokie.] Mwandĩki ũmwe wa Bibilia oigire ũũ thutha wa kũbaara maũndũ marĩa marĩ thĩ na igũrũ. [Thoma Aroma 1:20.] Ngathĩti ĩno nĩ ĩtaarĩirie ũndũ mũna athomi a Sayanisi mamenyete wĩgiĩ tũhengereta twa mwĩrĩ wa mũndũ, ũndũ ũngĩtũteithia gũcokia kĩũria kĩu.”

[Mbica ĩrĩ page 8]