Ũrĩa Ũngiuga

Ũkĩambĩrĩria Kwĩruta Bibilia na Andũ Njuuma ya Mbere ya Mweri wa Agosti

“Ithuothe nĩ tũrĩ twakuĩrũo nĩ mũndũ wa famĩlĩ kana mũrata. Hihi wee nĩ ũkoragwo na kĩĩrĩgĩrĩro gĩa gũkaamona rĩngĩ? [Eterera acokie.] Ta rora ũndũ ũyũ wa kũũmĩrĩria mũno.” Thomai na mwarĩrĩrie hamwe nake ũhoro ũrĩa ũrĩ rungu rwa kĩongo kĩnini kĩa mbere karatathi-inĩ ka 22 ka ngathĩti ya Mũrangĩri ya Julaĩ 1, na mũthome rĩandĩko rĩmwe rĩa marĩa monanĩtio. Mũhe ngathĩti, na ũbange kũmũcokera nĩguo mwarĩrĩrie kĩũria kĩrĩa kĩrũmĩrĩire.

Mũrangĩri Julaĩ 1

“Aingĩ aitũ twĩrutanagĩria mũno nĩguo tũhingie mabataro ma o mũthenya, na andũ amwe o na matihotaga kũmahingia. Hihi nĩ ũkuona ta kũrĩ hĩndĩ gũtagaakorũo na mũndũ o na ũmwe mũthĩni? [Eterera acokie. Ũcoke ũthome Thaburi 9:18.] Ngathĩti ĩno ĩronania kĩrĩa gĩtũmaga gũkorũo na ũthĩni na ũrĩa Bibilia yugaga wĩgiĩ kĩhonia kĩa ma gĩa thĩna ũcio.”

Amkeni! Agosti

“No nyende kũigua woni waku wĩgiĩ mũhari ũyũ. [Thoma 1 Samueli 16:23.] Kũringana na mũhari ũcio, nyĩmbo nĩ irĩ hinya. Hihi nĩ ũkuona ta nyĩmbo imwe ingĩkorũo na ũgucĩrĩria mũũru? [Eterera acokie.] Ngathĩti ĩno nĩ yarĩrĩirie ũrĩa tũngĩthuura na ũũgĩ nyĩmbo iria tũthikagĩrĩria na ũrĩa tũngĩteithia ciana ciitũ ciĩke ũguo.”