Ũrĩa Ũngiuga

Ũkĩambĩrĩria Kwĩruta Bibilia na Andũ Njuuma ya Mbere ya Agosti

“Ũmũthĩ andũ monaga Jesu atariĩ ta ũrĩa aahaanaga mĩaka ngiri igĩrĩ mĩhĩtũku, e gakenge karĩ kamũharatĩ-inĩ kana mũndũ ũcuurĩtio mũtĩ igũrũ. No rĩrĩ, wee wĩciragia Jesu areka atĩa ũmũthĩ? Eterera acokie.] Ta rora ũndũ ũyũ wonanĩtio haha.” Mũnengere ngathĩti ya Mnara wa Mlinzi ya Agosti 1, na mwarĩrĩrie ũhoro ũrĩa ũrĩ kĩongo-inĩ kĩa mbere karatathi-inĩ ga 16 na rĩandĩko rĩmwe ũguo rĩa marĩa monanĩtio. Mũtigĩre ngathĩti, na mũbange atĩ nĩ ũgaacoka nĩguo mwarĩrĩrie kĩũria kĩrĩa kĩrũmĩrĩire.

Mũrangĩri Agosti 1

“Andũ aingĩ nĩ metĩkĩtie ciama. Angĩ nao magaciĩkĩrĩra nganja. Hihi wee nĩ wonaga ta ciama ciĩkĩkaga? [Eterera acokie.] Kĩĩranĩro gĩkĩ kĩgiĩ kĩama gĩgeekĩka nĩ gĩtũmĩte andũ aingĩ makorũo na kĩĩrĩgĩrĩro. [Thoma rĩmwe rĩa maandĩko marĩa monanĩtio karatathi-inĩ ga 9-10.] Ngathĩti ĩno nĩ yarĩrĩirie maũndũ matatũ andũ matetĩkanagia namo megiĩ ciama.”

Amkeni! Agosti

“Mahinda-inĩ maya, andũ aingĩ nĩ metigagĩra gũthiĩ nja marĩ oiki, makĩria kwagĩa nduma. Hihi nĩ ũgwĩciria ta harĩ ũndũ ũngĩkwo kũnyihia ũhinya thĩinĩ wa thĩ? [Eterera acokie.] Ngathĩti ĩno nĩ yonanĩtie maũndũ mamwe tũngĩka nĩguo tũhote gũikarania na andũ tũrĩ na thayũ makĩria. Ningĩ nĩ yarĩrĩirie ũrĩa ũrathi ũyũ ũtwĩkĩraga ngoro ũkaahinga.” Thoma Thaburi 72:7.