Ũrĩa Ũngiuga Wĩgiĩ Ngathĩti

Mũrangĩri Februarĩ 1

“Andũ aingĩ metĩkĩtie atĩ gũtiarĩ mũgũnda wa Edeni. Hihi no ũmake nĩ kwĩruta atĩ Jesu nĩ aaririe ũhoro wa Adamu na Hawa marĩ andũ maatũũraga? [Eterera acokie. Ũcoke ũthome Mathayo 19:4-6.] Ngathĩti ĩno nĩ ĩraacokia ciũria ciũragio kaingĩ ciĩgiĩ mũgũnda wa Edeni.”

Amkeni! Machi

Rĩrĩa wacemania na mũndũ mwĩthĩ, mwonie gĩcunjĩ kĩrĩa kĩambĩrĩirie karatathi ka 26. Mwonie kĩongo kĩnini kĩa mbere na ũmũũrie, “Hihi ũngiuga ciugo ici nĩ cia ma kana ti cia ma? [Eterera acokie. Ũcoke ũthome 2 Akorintho 7:1.] Ngathĩti ĩno ĩrarĩrĩria maũndũ marĩa wagĩrĩirũo kũmenya megiĩ kũnyua thigara, na ũrĩa ũngĩhota gũtiga.”

Mũrangĩri Machi 1

“Ndigano nĩ cingĩhĩte mũno mahinda-inĩ maitũ. Ũgwĩciria nĩkĩ gĩtũmi? [Eterera acokie.] Ta rora ũtaaro ũyũ ũrĩa ũteithĩtie andũ aingĩ arĩa mahikanĩtie. [Thoma 1 Akorintho 10:24.] Ngathĩti ĩno ĩronania mateta matandatũ marutĩtwo nĩ athuri na atumia arĩa mahikanĩtie na nĩ ĩronania ũrĩa kũhũthĩra mataaro ma Bibilia kũngĩteithia.”

Amkeni! Ĩpuro

“Hihi no wĩtĩkanie na niĩ atĩ gũkuĩrũo nĩ mũndũ wendete nĩguo ũndũ ũrĩa mũritũ mũno mũndũ angĩhiũrania naguo? [Eterera acokie.] Aingĩ nĩ moonete ũtaaro ũyũ ũkĩmateithia. [Thoma Thaburi 55:22.] Ngathĩti ĩno ĩrarĩrĩria njĩra imwe tũngĩhũthĩra kũhiũrania na kĩeha, o hamwe na ũrĩa tũngĩrekereria mũrigo witũ harĩ Ngai.”