Ũrĩa Ũngiuga

Ũkĩambĩrĩria Kwĩruta Bibilia na Andũ Njuuma ya Mbere ya Ĩpuro

“Tũrekĩra andũ othe ngoro mathomage Bibilia ciao. No andũ aingĩ monaga ta arĩ ũndũ mũritũ gũtaũkĩrũo nĩ Bibilia. Hihi wee wonaga atĩa? [Eterera Acokie.] Ta rora ũrĩa haha hoigĩte.” Muonie ngothi ya na thutha ya Mũrangĩri wa Ĩpuro 1, na mwarĩrĩrie ũhoro ũrĩa ũrĩ rungu rwa kĩũria kĩa mbere na rĩandĩko na arĩ rĩmwe rĩa marĩa monanĩtio. Mũtigĩre ngathĩti, na mũbange ũgaacoka mwarĩrĩrie kĩũria kĩrĩa kĩrũmĩrĩire. Hũthĩrai ngathĩti cia ica ikuhĩ iria mũrĩ nacio kĩũngano-inĩ mũkĩrũmĩrĩra Ũtungata wa Ũthamaki ũrĩa ũciarĩrĩirie.

Mũrangĩri Ĩpuro 1

“Andũ othe arĩa twarĩtie nao nĩ macemanagia na mathĩna. Ũndũ ũcio ũtũmaga amwe meyũrie bata wa ũtũũro nĩ ũrĩkũ. Wee wonaga ta arĩ ũndũ ũrĩkũ ũtũmaga mũno andũ maage gĩkeno? [Eterera acokie.] Bibilia nĩ ĩranĩire atĩ ica ikuhĩ Ngai nĩ egũtwehereria mathĩna marĩa tũcemanagia namo. [Thoma Kũguũrĩrio 21:4.] Ngathĩti ĩno nĩ yarĩrĩirie maũndũ marĩa twĩrĩgĩrĩire ihinda rĩũkĩte na ũrĩa tũngĩgĩa na ũtũũro ũrĩ na muoroto o na mahinda-inĩ maya.”

Amkeni! Ĩpuro

“Mbaara cia kĩĩmũciĩ nĩ thĩna wĩ thĩinĩ wa thĩ yothe. Amwe moigaga atĩ thĩna ũcio umanaga na ũndũire na mũrerere wa mũndũ, na maũndũ ma gwĩkenia marĩ na ũhinya. Wee ũkuona ta arĩ kĩĩ kĩrehaga mbaara cia kĩĩmũciĩ? [Eterera acokie.] Bibilia nĩ yonanĩtie ũrĩa mũthuri na mũtumia wake magĩrĩire gũikarania. [Thoma Aefeso 5:33.] Ngathĩti ĩno nĩ yarĩrĩirie ũrĩa ihiko imwe ciateithirio itikaharagane thutha wa kũhũthĩra mootaro ma Bibilia.”