Ũrĩa Ũngiuga

Ũkĩambĩrĩria Kwĩruta Bibilia na Andũ Njuuma ya Mbere ya Mweri wa Janũarĩ

“Andũ amwe nĩ metĩkĩtie atĩ Bibilia nĩ ibuku rĩa ũrathi wa kwĩhokeka. Angĩ nao monaga ta ũrathi warĩo ũtamenyekaga wega, na no ũtaũrũo na njĩra nyingĩ itiganĩte. Wee wonaga atĩa?” Eterera acokie. Ũcoke ũnengere mwene nyũmba ngathĩti ya Janũarĩ 1 ya Mnara wa Mlinzi, na mwarĩrĩrie hamwe ũhoro ũrĩa ũrĩ rungu rwa kĩongo kĩnini kĩa mbere karatathi-inĩ ga 16 na mũthome rĩandĩko o na akorũo nĩ rĩmwe. Mũhe ngathĩti na ũbange gũkaamũcokera mwarĩrĩrie kĩũria kĩrĩa kĩrũmĩrĩire.

Mũrangĩri wa Janũarĩ 1

“No twĩrute maũndũ maingĩ kuumana na athuri na atumia arĩa maarĩ igweta a tene. Nĩ ũgwĩtĩkania na ũndũ ũcio? [Eterera acokie.] Mũhari ũyũ ũgwetete mũthuri ũmwe warĩ igweta, ũrĩa wiki wĩtĩtwo “mũrata wa Ngai” thĩinĩ wa Bibilia. [Thoma Jakubu 2:23.] Ngathĩti ĩno nĩ ĩtaarĩirie kĩrĩa gĩatũmire Ngai amũtue mũrata wake na ĩkaarĩrĩria maũndũ marĩa tũngĩĩruta kuumana na kĩonereria gĩake.”

Amkeni! ya Janũarĩ

“Mahaki, ngukumio, na maheeni ma mĩthemba ĩngĩ nĩ maingĩhĩte mũno thĩinĩ wa biacara. Andũ amwe nĩ monaga ta maheeni manini mabataranagia biacara-inĩ nĩguo mũndũ agaacĩre. Wee wonaga atĩa? [Eterera acokie.] Ta rora rĩciria rĩrĩa rĩrĩ thĩinĩ wa thimo ĩno. [Thoma Thimo 20:17.] Ngathĩti ĩno nĩ ĩtaarĩirie bata wa gũkorũo tũkĩaria ma.”