Ũrĩa Ũngiuga

Ũkĩambĩrĩria Kwĩruta Bibilia na Andũ Njuuma ya Mbere ya Oktomba

“Tũraria na andũ na njĩra nguhĩ ũmũthĩ. Arĩa aingĩ twarĩtie nao maroiga atĩ ũndũ ũrĩa mũritũ mũno maanacemania naguo nĩ gũkuĩrũo nĩ mũndũ mendete. Wee hihi wonaga atĩa? [Eterera acokie.] Ndĩronire ũhoro ũyũ ũrĩ wa gwĩkĩra ngoro mũno.” Muonie karatathi ka mũthia ka Mũrangĩri wa Oktomba 1, na mwarĩrĩrie ũhoro ũrĩa ũrĩ rungu rwa kĩũria kĩa mbere na rĩandĩko na arĩ rĩmwe rĩa marĩa monanĩtio. Mũtigĩre ngathĩti icio, na mũbange ũgaacoka mwarĩrĩrie kĩũria kĩrĩa kĩrũmĩrĩire.

Mũrangĩri Oktomba 1

“Tũraceerera andũ na njĩra nguhĩ tũkĩmekĩra ngoro mathomage Bibilia. Nĩ tũĩ atĩ andũ amwe nĩ mendete gũthoma Bibilia; no nĩ kũrĩ angĩ matendete. Hihi wee nĩ wendete kũmĩthoma? [Eterera acokie.] Bibilia yugaga ũũ ĩtekũhithĩrĩra. [Thoma 1 Athesalonike 2:13.] Ndĩ na ma nĩ ũgwĩtĩkania na niĩ atĩ angĩkorũo Bibilia nĩ ibuku riumĩte kwĩ Ngai, nĩ twagĩrĩirũo tũrĩthomage hingo ciothe. Ngathĩti ĩno nĩ ĩronania maũndũ marĩa makoragwo thĩinĩ wa Bibilia, na nĩkĩ nĩ twagĩrĩirũo kũmĩthomaga.”

Amkeni! Oktomba

“No nyende kũigua mawoni maku megiĩ kĩũria gĩkĩ: Hihi no tũiganĩre o na tũtarĩ na indo nyingĩ? [Eterera acokie.] Ta rora ũrĩa Bibilia yugaga. [Thoma 1 Timotheo 6:8.] Ngathĩti ĩno nĩ ĩronania mawoni maigananĩru megiĩ kũgĩa na indo, na ĩkaarĩrĩria maũndũ matatũ ma bata marĩa mbeca itangĩhota kũgũra.”