Ũrĩa Ũngiuga

Ũkĩambĩrĩria Kwĩruta Bibilia na Andũ Njuuma ya Mbere ya Oktomba

“Tũraceerera andũ na njĩra nguhĩ tũkĩarĩrĩria ũhoro wa thirikari njega. Nĩ ũkuona ta kũrĩ thirikari ĩrĩ na ũhoti wa kweheria mathĩna ta ũhinya, na wagi wa kĩhooto?” Eterera acokie. Ririkania mwene nyũmba atĩ thĩinĩ wa Ihoya rĩa Mwathani, Jesu aarutire arũmĩrĩri ake mahoyage thirikari ta ĩyo yũke, na nĩyo Ũthamaki wa Ngai. Muonie ngothi ya na thutha ya Mũrangĩri wa Oktomba  1, na mwarĩrĩrie ũhoro ũrĩa ũrĩ rungu rwa kĩũria kĩa mbere, mũcoke mũthome o na akorũo no rĩandĩko rĩmwe rĩa marĩa monanĩtio. Mũtigĩre ngathĩti, na ũbange rĩrĩa ũgacoka nĩguo mwarĩrĩrie kĩũria kĩrĩa kĩrũmĩrĩire.

Mũrangĩri Oktomba 1

“Tũraria na andũ na njĩra nguhĩ ũhoro wĩgiĩ ciugo cia ihoya rĩũĩkaine mũno rĩrĩa Jesu aarutire arũmĩrĩri ake. [Thoma Mathayo 6:​9, 10.] Hihi ũrĩ wamenya Ũthamaki wa Ngai nĩ kĩĩ, na kĩrĩa gĩatũmaga Jesu aũgwete mũno akĩrutana? [Eterera acokie.] Ngathĩti ĩno nĩ ĩronania ũrĩa Bibilia yugaga igũrũ rĩgiĩ Ũthamaki wa Ngai na irathimo iria ũkaarehe thĩinĩ wa thĩ.”

Amkeni! Oktomba

“Tũraceerera andũ na njĩra nguhĩ tũkĩmateithia kũgĩa na macokio ma kĩũria gĩkĩ. [Muonie ngothi ya ngathĩti.] Hihi nĩ ũkuona ta arĩ o nginya mũndũ akorũo na ũtonga nĩguo agaacĩre ũtũũro-inĩ? [Eterera acokie.] Bibilia nĩ ĩkoragwo na mawoni maigananĩru megiĩ indo cia kĩĩmwĩrĩ. [Thoma Luka 12:15.] Kũringana na Bibilia, gũtirĩ mũndũ ũtangĩgaacĩra ũtũũro-inĩ. Ngathĩti ĩno nĩ yonanĩtie ũndũ ũcio.”