Ithandũkũ rĩa Kĩũria

◼ Hihi mũtumia nĩ agĩrĩire kũhumbĩra mũtwe wake, rĩrĩa aratongoria wĩruti wa Bibilia mũrango-inĩ harĩ na mũhunjia mũndũrũme?

Rĩrĩa mũtumia areruta na mũrutwo wa Bibilia merutaga nake harĩ na mũhunjia mũndũrũme, nĩ agĩrĩirũo kwĩhumbĩra mũtwe. (1 Kor. 11:3-10) Ngathĩti ya Mnara wa Mlinzi ya Julaĩ 15, 2002, karatathi ka 27, yataarĩirie ũũ: “Mũbango ũcio wa kũrutana ũkoragwo wĩkĩtwo kabere, na ũrĩa ũreruta na mũrutwo nowe ũtongoragia. Nĩ ũndũ ũcio, wĩruti ũcio ũkoragwo ũrĩ ta mũcemanio ũngĩ wa kĩũngano. Angĩkorũo mwarĩ wa Ithe witũ nĩ aratongoria wĩruti ta ũcio, nĩ agĩrĩirũo kũhumbĩra mũtwe angĩkorũo harĩ na mũrũ wa Ithe witũ.” Ũguo noguo agĩrĩirũo nĩ gwĩka rĩrĩa marahunjia na mũhunjia mũndũrũme ũtarĩ mũbatithie. Agĩrĩirũo gwĩkaga ũguo rĩrĩa arathoma na mũndũ gwake nyũmba, mũrango-inĩ kana handũ hangĩ o hothe.

O na kũrĩ ũguo, angĩkorũo mũrutwo ndarĩ arambĩrĩria biũ kwĩruta Bibilia mũrango-inĩ, mwarĩ wa Ithe witũ ndarabatara kũhumbĩra mũtwe rĩrĩa harĩ na mũhunjia mũndũrũme, o na angĩkorũo muoroto uuma kũmũcokera nĩguo amuonie ũrĩa angĩĩruta Bibilia, kana kũmuonia kaũndũ ibuku-inĩ rĩrĩa tũhũthagĩra kwĩruta na mũndũ. Tondũ kaingĩ twambagĩrĩria wĩruti na mũndũ mũrango-inĩ thutha wa kũmũcokera maita maigana ũna, ahunjia nĩ marabatara gũthima maũndũ mamenye nĩ rĩ magĩrĩirũo kũhumbĩra mũtwe.