Ũrĩa Ũngiuga

Ũkĩambĩrĩria Kwĩruta Bibilia na Andũ Njuuma ya Mbere ya Juni

“Tũracerera andũ na njĩra nguhĩ tũkĩarĩrĩria nao kĩũria gĩkĩ. [Muonie kĩũria kĩa mbere kĩrĩa kĩrĩ na thutha wa ngathĩti ya Mũrangĩri ya Juni 1.] Wee ũngĩcokia atĩa?” Eterera acokie. Arĩrĩriai ũhoro ũrĩa ũrĩ rungu rwa kĩũria kĩu na mũthome na arĩ rĩandĩko rĩmwe rĩa marĩa monanĩtio. Mũhe ngathĩti cierĩ na ũbange kũmũcokera nĩguo mwarĩrĩrie kĩũria kĩrĩa kĩrũmĩrĩire.

Mũrangĩri Juni 1

“Andũ ta 6,000,000 nĩ makuaga o mwaka nĩ ũndũ wa thigara. Nĩ ũkuona ta harĩ ũndũ ũngĩkwo kũniina thĩna ũcio? [Eterera acokie.] Andũ aingĩ nĩ mahotete gwĩthema, kana gũtiga thigara, thutha wa kũmenya mawoni ma Ngai megiĩ kũnyua thigara. Rĩandĩko rĩrĩ nĩ rĩteithĩtie amwe kuona ũrĩa kũnyua thigara kũhutagia andũ arĩa angĩ. [Thoma 1 Akorintho 10:24.] Ngathĩti ĩno nĩ yonanĩtie ũrĩa kũmenya mawoni ma Ngai megiĩ ũndũ ũcio, kũngĩhe mũndũ hinya wa gũtiga kũnyua thigara.”

Amkeni! Juni

“Intaneti nĩ ĩhotithĩtie andũ aingĩ kũgĩa na andũ arĩa meciragĩria atĩ nĩ arata ao kũna. We ũgwĩciria mũrata wa ma agĩrĩire gũkorũo arĩ na ngumo ĩrĩkũ? [Eterera acokie.] Reke tuone ũtaaro ũmwe wa Bibilia ũrĩa ũngĩteithia mũndũ gũthondeka ũrata mwega. [Thoma Jakubu 1:19.] Ngathĩti ĩno nĩ yarĩrĩirie motaaro mana marĩa mangĩtũteithia gũtuĩka arata a ma.”