Kwagagĩria Ũtungata Witũ—Kũiga Mũthingi wa Gũgacoka

Ũndũ Ũcio nĩ wa Bata Nĩkĩ? Rĩrĩa twacemania na mũndũ ũrakenio nĩ ũhoro, twagĩrĩirũo kũmũcokera hĩndĩ ĩrĩa angĩoneka nĩguo tũitĩrĩrie maĩ mbegũ ya ũhoro wa ma ĩrĩa twahandire. (1 Kor. 3:6) Kaingĩ ũndũ ũcio ũbataraga atĩ tũtanatigana na mwene nyũmba, tũige mũthingi wa gũgacoka na njĩra ya kũmũũria hĩndĩ ĩrĩa angĩenda tũcoke. Ningĩ, nĩ wega gũtiga kĩũria kĩrĩa tũkaarĩrĩria hĩndĩ ĩyo ĩngĩ twacoka. Ũndũ ũcio nĩ ũgũtũma mwene nyũmba aikare atwetereire, na angĩkorũo kĩũria kĩu nĩ gĩcoketio thĩinĩ wa ibuku rĩrĩa twamũtigĩra, kwĩ na ũhotekeku mũnene arĩthome. Ningĩ kũiga mũthingi wa gũgatwarithia ndeereti na mbere nĩ gũtũmaga ũkorũo ũrĩ ũndũ mũhũthũ gũcokera mũndũ tondũ nĩ mwamenya ũndũ ũrĩa mũkaarĩrĩria, kwoguo mwene nyũmba no amenye ũndũ ũrĩa angĩĩrĩgĩrĩra. Twamũceerera rĩngĩ, no tũmwĩre atĩ twacoka nĩguo tũcokie kĩũria kĩrĩa tuorĩtie hĩndĩ ĩyo ĩngĩ, tũcoke tũtwarithie ndeereti na mbere.