Kwagagĩria Ũtungata Witũ​—Gũcokera Mũndũ

ŨNDŨ ŨCIO NĨ WA BATA NĨKĨ?: Andũ aingĩ arĩa makenagio nĩ ndũmĩrĩri ya Ũthamaki makoragwo magĩcaria ũhoro wa ma wĩgiĩ Ngai. (Isa 55:6) Nĩguo tũthiĩ na mbere kũmaruta, no mũhaka tũcoke rĩngĩ na rĩngĩ. Andũ makoragwo na moritũ matiganĩte kwoguo twagĩrĩirũo kũhũthĩra njĩra itiganĩte cia gũkũria wendi wao wa kwĩruta. O na kũrĩ ũguo, no tũkorũo na moimĩrĩro mega tũngĩkorũo twĩhaarĩirie wega na tũkorũo tũkĩmenya ũndũ ũrĩa tũrenda kũhingia tũgĩcokera mũndũ, twĩna muoroto wa kwambĩrĩria wĩruti wa Bibilia.

ŨRĨA TŨNGĨKA:

• Wĩrutanĩrie gũcoka o na ihenya, kũngĩhoteka thutha wa thikũ nini.—Mat 13:19

• Korũo ũrĩ na ũrata na gĩtĩo. Korũo ũtarĩ na guoya

• Wakinya ũmũgeithie ũcanjamũkĩte. Mwĩte rĩĩtwa rĩake. Mũririkanie kĩrĩa gĩatũma ũcoke ta hihi gũcokia kĩũria, kũmũrehera ngathĩti ya ica ikuhĩ, kũmuonia ũrĩa angĩhingũra website itũ, kũmuonia video, kana kũmuonia ũrĩa wĩruti wa Bibilia wĩkagwo. No ũgarũrĩre angĩkorũo harĩ na ũndũ ũngĩ arenda mwambe mwarĩrĩrie.—Afi 2:4

• Itĩrĩria maĩ mbegũ ya ũhoro wa ma ĩrĩa ĩhandĩtwo ngoro-inĩ yake na njĩra ya kwarĩrĩria ũndũ kuuma Maandĩko-inĩ na hihi kũmũtigĩra kĩndũ gĩa gũthoma. (1Ko 3:6) Geria kũmũtua mũrata

• Gweta ũndũ ũrĩa mũkaarĩrĩria wacoka rĩngĩ