Ũrĩa Tũngĩgĩa na Mĩtũkĩ Wĩra-inĩ wa Kũhunjia

Nĩ tũrabatara kũgĩa na mĩtũkĩ wĩra-inĩ wa kũhunjia nĩguo tũkaahonoka mũthia wa mũtabarĩre ũyũ wa maũndũ. Tũngĩathĩkĩra iririkania ici irũmĩrĩire, no tũgĩe na mĩtũkĩ wĩra-inĩ wa kũhunjia.

• Hoyaga kaingĩ igũrũ rĩgiĩ Ũthamaki.​—Mat. 6:10.

• Gitagĩra ngoro yaku na njĩra ya gũthomaga Bibilia o mũthenya.​—Ahib. 3:​12.

• Hũthagĩra mahinda maku na njĩra ya ũũgĩ.​—Ef. 5:15, 16; Afil. 1:​10.

• Tũũria riitho ‘igima.’ Ndũkae gũthũũkio meciria maku nĩ merirĩria ma gũkũ thĩ.​—Mat. 6:22, 25; 2 Tim. 4:10.

• Ikaraga wĩhũgĩte na njĩra ya gũtũũra wĩhaarĩirie harĩ kũhinga kwa ũrathi wa Bibilia.​—Mar. 13:35-37.

Gũkorũo tũrĩ na mĩtũkĩ nĩ gũgũtũma tũnyitanĩre biũ wĩra-inĩ witũ wa kũhunjia ũrĩa ũtarĩ ũrathira!​—Joh. 4:34, 35.