Ũrĩa Ũngiuga

Hĩndĩ ya Gwĩta Andũ Kĩririkano

“Tũraheana karatathi gaka ga kũnyita andũ ũgeni magooka igongona-inĩ rĩa bata mũno tarĩki 3 Ĩpuro. Mũthenya ũcio andũ milioni nyingĩ thĩinĩ wa thĩ nĩ magaacemania nĩguo maririkane gĩkuũ kĩa Jesu Kristo na mathikĩrĩrie hatarĩ marĩhi mĩario ĩgiĩ ũrĩa gĩkuũ gĩake gĩtũgunaga. Karatathi gaka karonania mathaa na kũrĩa Kĩririkano kĩu gĩgeekĩrũo gũkũ gwitũ.”

Mũrangĩri March 1

“Ĩpuro 3 nĩguo mũthenya ũrĩa ũringaine na rĩrĩa Jesu Kristo aakuire. Andũ amwe gũkũ gwitũ nĩ magaacemania mũthenya ũcio nĩguo maririkane gĩkuũ gĩake, ĩndĩ nĩ kũrĩ angĩ matonaga ta gĩkuũ kĩu kĩrĩ kĩa bata. Wee wonaga atĩa? Hihi nĩ ũkuona ta tũgunĩkaga nĩ gĩkuũ na kũriũkio kwa Jesu? [Eterera acokie.] Ta rora ũrĩa Kiugo kĩa Ngai kiugaga ũndũ-inĩ ũcio. [Thoma 1 Akorintho 15:​22, 26.] Ngathĩti ĩno yarĩrĩirie kĩrathimo kĩmwe kĩa igongona rĩa ũkũũri rĩa Jesu kĩa ihinda rĩroka​—atĩ nĩ kũrĩ hĩndĩ gĩkuũ gĩtagaakorũo kuo rĩngĩ.”

Arahũkai! Machi

“Tũraceerera andũ ndagĩka nini tũkĩmonia ngathĩti ya ica ikuhĩ ya Arahũkai! [Muonie ngothi-inĩ.] O mũndũ nĩ arĩ mawoni make harĩ kĩũria gĩkĩ kĩa mbere: ‘Hihi nĩ Kũrĩ Ngai?’ Kũringana na mawoni maku-rĩ, nĩ andũ arĩkũ makoragwo na mawoni mega megiĩ ihinda rĩrĩa rĩroka​—nĩ arĩa metĩkĩtie Ngai kana nĩ arĩa matetĩkĩtie? [Eterera acokie.] Ta rora haha wone kĩĩranĩro kĩmwe kĩa Ngai kĩrĩa gĩteithagia andũ aingĩ kũgĩa na mwĩhoko. [Thoma Thaburi 37:​10, 11.] Ngathĩti ĩno yarĩrĩirie itũmi inya iria ingĩtũma mũndũ ende gũthuthuria kana nĩ kũrĩ Ngai.”