Ũrĩa Ũngiuga

Ũkĩambĩrĩria Kwĩruta Bibilia na Andũ Njuuma ya Mbere ya Machi

“Tũraceerera andũ na njĩra nguhĩ tũkĩaria nao igũrũ rĩgiĩ ũndũ ũgeekwo mweri 14 Ĩpuro. Ũgaakorũo ũrĩ mũthenya wa kũririkana gĩkuũ kĩa Jesu. Andũ amwe makaaririkana gĩkuũ kĩu tondũ nĩ metĩkĩtie nĩ kĩa bata mũno. Angĩ nao matiũĩ biũ bata wa gĩkuũ kĩa Jesu. Hihi nĩ ũkuona ta gĩkuũ kĩa Jesu kĩrĩ na ũguni harĩ niĩ nawe?” Eterera acokie. Muonie ngothi ya na thutha ya Mũrangĩri wa Machi 1, na mwarĩrĩrie ũhoro ũrĩa ũrĩ rungu rwa kĩũria kĩa mbere na rĩandĩko ta rĩmwe ũguo, rĩa marĩa monanĩtio. Mũtigĩre ngathĩti, na mũbange ũgaacoka nĩguo mwarĩrĩrie kĩũria kĩrĩa kĩrũmĩrĩire.

Mũrangĩri Machi 1

“Andũ aingĩ nĩ marigagwo kĩrĩa kĩgiragia Ngai aniine mĩnyamaro na waagi wa kĩhooto thĩinĩ wa thĩ? Hihi ũgwĩciria nĩ tondũ Ngai ndarũmbũyanagia na andũ-ĩ, kana nĩ kuona onaga kwagĩrĩire andũ manyamarĩke? [Eterera acokie. Ũcoke ũthome Johana 3:16.] O na gũtuĩka andũ aingĩ nĩ magwetaga rĩandĩko rĩrĩ makĩonania ũrĩa Ngai atũrũmbũyagia-rĩ, matikoragwo na ma biũ ũrĩa gĩkuũ kĩa Jesu kĩmagunaga. Ngathĩti ĩno nĩ ĩtaarĩirie ũrĩa gĩkuũ kĩa Jesu gĩgatũma mĩnyamaro na waagi wa kĩhooto ithire thĩinĩ wa thĩ.”

Awake! Machi

“Tũraceera tũkĩgeria kweheria nganja iria andũ makoragwo nacio harĩ mũhari ũyũ wa Bibilia. [Thoma Kĩambĩrĩria 1:1.] Andũ amwe metĩkĩtie atĩ thĩ nĩ kũũmbwo yombirũo nao angĩ matiĩtĩkĩtie ũguo. Wee wonaga atĩa? [Eterera acokie.] Andũ amwe nĩ monaga ũrĩ ũndũ mũritũ gwĩtĩkia atĩ indo nĩ kũũmbwo ciombirũo, tondũ harĩ ũndũ arutani a ndini marutanĩte mũgarũ na ũrĩa Bibilia yugaga. Ngathĩti ĩno nĩ yonanĩtie ũrĩa Bibilia yugaga igũrũ rĩgiĩ kĩambĩrĩria kĩa igũrũ na thĩ.”