“Mohoro Maya . . . Reka Matũũre Ngoro-inĩ Yaku”

Aciari nĩ ta arĩithi. No mũhaka magitĩre ciana ciao nĩ ũndũ no ite makinya na cingĩre ũgwati-inĩ. (Thim. 27:23) Aciari mangĩĩka ũguo atĩa? No mũhaka magĩe na mahinda ma kwaranĩria na ciana ciao o mũthenya nĩ getha mahote kũmenya kĩrĩa kĩrĩ ngoro-inĩ na meciria-inĩ ma cio. (Thim. 20:5) Ningĩ aciari no mũhaka make na indo itangĩnyita mwaki nĩguo mekĩre wĩtĩkio wa ciana ciao hinya. (1 Kor. 3:​10-15) Video ya “Mohoro Maya . . . Reka Matũũre Ngoro-inĩ Yaku” yonanagia bata wa gũkorũo na ũthathaiya wa famĩlĩ tũtegũtĩĩrĩria. Wĩrorerei mũrĩ famĩlĩ mũcoke mwarĩrĩrie ciũria ici.

(1) Nĩkĩ gĩatũmire famĩlĩ ya Roman ĩremwo nĩ gũthingata maũndũ ma kĩĩroho? (2) Mũrũ wa Ithe witũ Roman aagire kũgĩa na moimĩrĩro mega rĩa mbere nĩkĩ akĩenda meke ũthathaiya wa famĩlĩ? (3) Nĩ mũtaratara ũrĩkũ kuuma Maandĩko-inĩ ũteithagia aciari kũrera ciana ciao na njĩra ĩrĩa yagĩrĩire? (Gũcok. 6:​6, 7) (4) Nĩ kĩĩ kĩngĩteithia famĩlĩ kwaranĩria wega? (5) Nĩ maũndũ marĩkũ ciana ciĩrĩgagĩrĩra aciari meime nĩ ũndũ wa cio? (6) Mũrũ na mwarĩ wa Ithe witũ Barrow maateithirie famĩlĩ ya Roman na njĩra ĩrĩkũ? (Thim. 27:17) (7) Mũtwe wa famĩlĩ agĩrĩirũo gwĩka atĩa mbere nĩguo ũthathaiya wa famĩlĩ ũgaacĩre? (8) Mũrũ wa Ithe witũ Roman aambĩrĩirie gwĩka atĩa nĩguo maũndũ maagagĩre famĩlĩ-inĩ yake? (9) Nĩkĩ gũtiagĩrĩire gũtĩrĩria ũthathaiya wa famĩlĩ? (Ef. 6:4) (10) Nĩ maũndũ ta marĩkũ mangĩkwo ũthathaiya-inĩ wa famĩlĩ? (11) Mũrũ wa Ithe witũ Roman onanirie ũhoreri na itua irũmu na njĩra ĩrĩkũ agĩteithĩrĩria Marcus kuona bata wa gwĩka maũndũ marĩa magĩrĩru? (Jer. 17:9) (12) Mũrũ na mwarĩ wa Ithe witũ Roman maateithirie Rebecca atĩa gũtua itua rĩrĩa rĩagĩrĩire rĩgiĩ ndũgũ yao na Justin? (Mar. 12:30; 2 Tim. 2:22) (13)  Mũrũ na mwarĩ wa Ithe witũ Roman moonanirie wĩtĩkio na njĩra ĩrĩkũ harĩ gwĩka mogarũrũku ũtũũro wao? (Mat. 6:33) (14) Video ĩno ĩratĩtĩrithia na njĩra ĩrĩkũ bata wa mĩtwe ya famĩlĩ gũteithia famĩlĩ ciao maũndũ-inĩ ma kĩĩroho? (1 Tim. 5:8) (15) Itua rĩaku nĩ rĩrĩkũ ũrĩ mũtwe wa famĩlĩ?

ŨHORO KŨRĨ MĨTWE YA FAMĨLĨ: Drama ĩno ya mahinda maya yathakirũo hĩndĩ ya kĩgomano gĩa thikũ ithatũ kĩa mwaka wa 2011. Hihi hĩndĩ ĩyo nĩ wonire bata wa gwĩka mogarũrũku ũthathaiya-inĩ wa famĩlĩ yaku? Ĩ rĩu? Angĩkorũo nĩ ũrabatara gwĩka ũgarũrũku makĩria, hoya Jehova nĩguo ũteithie famĩlĩ yaku ĩgunĩke tene na tene.​—Ef. 5:15-17.