Ũrĩa Ũngĩruta Macokio Mega

Macokio mega nĩ makaga kĩũngano. (Ro 14:19) O na arĩa marutaga macokio ta macio nĩ magunĩkaga. (Thi 15:​23, 28) Kwoguo, twagĩrĩirũo kwĩrutanĩria kũruta macokio mĩcemanio-inĩ naarĩ riita rĩmwe. To mũhaka tũũrio kĩũria hingo ciothe tuoya guoko, na kwoguo nĩ wega kũhaarĩria macokio maingĩ.

Macokio mega . . .

• nĩ makuhĩ, ma ĩmwe kwa ĩmwe, na mahũthũ gũtaũkĩka. No marutwo na sekondi 30 kana nini

• nĩ marĩa ũrutaga ũkĩhũthĩra ciugo ciaku

• ti gũcokera macokio marĩa marutĩtwo

Waheo mweke wa mbere, . . .

• cokia na njĩra hũthũ, na ya ĩmwe kwa ĩmwe

Angĩkorũo kĩũria nĩ gĩacokio, no . . .

• ũgwete ũrĩa rĩandĩko rĩrĩa rĩonanĩtio rĩranyita mbaru ndeto ĩrĩa ĩrarĩrĩrio

• ũgwete ũrĩa ũndũ ũcio ũrahutia mũtũũrĩre witũ

• ũtaarĩrie ũrĩa ũhoro ũcio ũngĩhũthĩrũo

• ũtaarĩrie na njĩra nguhĩ ũndũ wonetwo ũrĩa ũratĩtĩrithia ũndũ wa bata