Hihi nĩ Ũhũthagĩra Tũkandi twa JW.ORG?

O ũrĩa tũrakuhĩrĩria thĩna ũrĩa mũnene, noguo tũrabatara kũhunjia na mĩtũkĩ. (Thi 24:​11, 12, 20) Nĩguo tũteithie andũ, no tũhũthĩre tũkandi twa JW.ORG kũgucĩrĩria meciria mao Kiugo-inĩ kĩa Ngai, na website-inĩ itũ. Gakandi kau karĩ na kodi yerekagĩria mũndũ harĩ video ya Wagĩrĩirũo Kwĩruta Bibilia Nĩkĩ?. Ningĩ nĩ gekĩraga mũndũ ngoro gwetha ũhoro makĩria kana kũhoya wĩruti wa Bibilia. Andũ amwe matiĩtĩkagĩra mabuku maitũ, no nĩ metĩkagĩra kũhingũra website itũ. Ndũkage kũmahe gakandi kau. O na kũrĩ ũguo, ndũgatigĩre andũ arĩa matarakenio nĩ ũhoro.

Ũrĩ maũndũ-inĩ maku ma o mũthenya, no ũgucĩrĩrie mũndũ na njĩra ya kũmwĩra: “Ndĩ na kĩndũ ingĩenda gũkũhe. Gakandi gaka gegũkwerekeria harĩ website ĩkoragwo na video itiganĩte o hamwe na ũhoro ũngĩ mũingĩ hatarĩ marĩhi.” (Joh 4:7) Tondũ tũkandi tũu nĩ tũnini, no ũkuage tũigana ũna twa kũheana rĩrĩa wagĩa na mweke.