“Thĩ nĩ ĩkaaruta maciaro mayo; Ngai, o we Ngai witũ, nĩ agaatũrathima.”—THABURI 67:6

No Wamũkĩre Irathimo cia Mũũmbi Witũ Tene na Tene

Ngai eerĩire mũnabii Iburahimu atĩ mũndũ ũmwe wa njiarũa ciake nĩ angĩkarehe irathimo kũrĩ “ndũrĩrĩ ciothe cia thĩ.” (Kĩambĩrĩria 22:18) Mũndũ ũcio nũũ?

Mĩaka ta 2,000 mĩhĩtũku, Ngai nĩ aaheire Jesu, ũrĩa warĩ ũmwe wa njiarũa cia Iburahimu, hinya wa kũringa ciama nene. Ciama icio cioonanirie atĩ kĩĩranĩro kĩrĩa Ngai eerĩire Iburahimu kĩngĩahingire kũgerera harĩ Jesu.—Agalatia 3:14.

Ciama icio Jesu aaringire nĩ ciateithirie andũ kũmenya atĩ nĩwe Ngai aathuurĩte kũrehera andũ irathimo, na ikĩonania ũrĩa Ngai akaamũhũthĩra kũrehera andũ irathimo cia tene na tene. Reke tuone ũrĩa ciama iria Jesu aaringire cionanirie ũrĩa atariĩ.

Ũcayanĩri—Jesu nĩ aahonirie andũ mĩrimũ.

Hĩndĩ ĩmwe mũndũ warĩ na mangũ nĩ aathaithire Jesu amũhonie. Jesu akĩmũhutia na akiuga: “Nĩ ngwenda!” Hĩndĩ o ĩyo mangũ macio magĩthira.—Mariko 1:40-42.

Ũtaana—Jesu nĩ aahũnirie andũ.

Jesu ndeendaga andũ mahũte. Makĩria ma ihinda rĩmwe, Jesu nĩ aahũnirie andũ aingĩ na njĩra ya kĩama kũgerera mĩgate na tũthamaki tũigana ũna. (Mathayo 14:17-21; 15:32-38) Thutha wa kũrĩa, othe makĩhũna na irio nyingĩ igĩtigara.

Tha—Jesu nĩ aariũkirie andũ.

Nĩ ũndũ wa “tha,” Jesu nĩ aariũkirie mũrũ wa mũmwe wa mũtumia wa ndigwa ũrĩa ũtaarĩ na mũndũ ũngĩ wa kũmũrũmbũiya.—Luka 7:12-15.

IRATHIMO CIA TENE NA TENE GŨKŨ THĨ

Jesu nĩ onanĩtie atĩ Ngai arĩ na hinya wa kũrehera andũ irathimo. Ica ikuhĩ, Jesu acoka ta ũrĩa eeranĩire, Mwene-Hinya-Wothe nĩ akaamũhũthĩra kũringa ciama nene o na makĩria thĩinĩ wa thĩ yothe.

Ũtũũro ũgaakorũo ũhaana atĩa thĩinĩ wa thĩ rĩrĩa Ngai akaahingia kĩĩranĩro kĩrĩa eerĩire Iburahimu? Arĩa mendete Ngai na makamũhe gĩtĩo “nĩ makaagaya thĩ, na nĩ magaakena mũno nĩ ũndũ wa kũingĩhĩrũo nĩ thayũ.” (Thaburi 37:11) “Gĩkuũ gĩtigaacoka gũkorũo kuo rĩngĩ, o na gũcakaya kana kĩrĩro kana ruo.”—Kũguũrĩrio 21:4.

Na githĩ gĩtigakorũo kĩrĩ kĩrathimo kĩnene gũtũũra thĩinĩ wa thĩ tene na tene kũrĩ na thayũ? Tũgũkũria ũhingũre www.jw.org, nĩguo wĩrute makĩria ũhoro wĩgiĩ irathimo iria wathani wa Ngai ũkũrehera andũ ica ikuhĩ.