Wĩtheme Mĩtego ya Kwaranĩria Intaneti-inĩ

BATA WA ŨNDŨ ŨCIO: O ta indo nyingĩ cia tekinolonjĩ, kwaranĩria intaneti-inĩ kana social media no gũkorũo na ũguni kana gũgũikie ũgwati-inĩ. Akristiano amwe nĩ monaga arĩ wega kwaga kwaranĩria intaneti-inĩ. Nao angĩ nĩ mahũthagĩra intaneti kwaranĩria na andũ a famĩlĩ na arata. O na kũrĩ ũguo, Mũcukani endaga tũhũthĩre intaneti ũũru ũndũ ũrĩa ũngĩtũma twĩthũkĩrie rĩĩtwa ritũ o hamwe na ũrata witũ na Jehova. O ta Jesu, no tũhũthĩre motaaro ma Kiugo kĩa Ngai nĩguo tũmenye mogwati na tũmetheme.—Lu 4:4, 8, 12.

MĨTEGO YA GWĨTHEMA:

• Kũhũthĩra intaneti ihinda iraihu. Kũhũthĩra mathaa maingĩ kwaranĩria intaneti-inĩ kana social media no gũtũme twage mahinda ma maũndũ ma kĩĩroho

  Motaaro ma Bibilia: Ef 5:15, 16; Afi 1:10

• Kwĩrorera maũndũ matarĩ mega. Kwĩroragĩra mbica itarĩ njega no gũtũme mũndũ aingĩre mĩtugo-inĩ ya ngomanio itagĩrĩire kana eroragĩre mbica cia ũũra thoni. Gũthoma ũhoro wa aregenyũki kana maũndũ ma andũ kĩũmbe marĩa makoragwo marongoreirio gũthomwo nĩ mũingĩ thĩinĩ wa intaneti, no gũthũkie wĩtĩkio wa mũndũ

  Motaaro ma Bibilia: Mat 5:28; Afi 4:8

• Gũtũmanĩra mbica kana ndũmĩrĩri itarĩ njega. Tondũ ngoro ya mũndũ nĩ ĩmũheenagia, mũndũ no ecirie atũmanĩre ndũmĩrĩri itarĩ njega kana mbica kũgerera intaneti. O na kũrĩ ũguo, ũndũ ũcio no ũthũkĩrie mũndũ rĩĩtwa kana ũtũme wĩtĩkio wake wage hinya

  Motaaro ma Bibilia: Ro 14:13; Ef 4:29

WĨRORERE VIDEO YA HŨTHĨRA INTANETI NA ŨŨGĨ, ŨCOKE WONE ŨRĨA ŨNGĨĨTHEMA MAŨNDŨ MAYA: