‘Kũrutĩra Jehova Indo Twĩyendeire’

Nĩ na njĩra ĩrĩkũ tũngĩrutĩra ‘Jehova indo na ũndũ wa kwĩendera na ngoro’? (1Ma 29:5, 9, 14) Haha harĩ na njĩra itiganĩte iria tũngĩhũthĩra kũruta mĩhothi ya kwĩyendera nĩgetha tũteithĩrĩrie wĩra wa Aira a Jehova kũrĩa tũikaraga na thĩinĩ wa thĩ yothe.

MĨHOTHI ĨRĨA ĨRUTAGWO KŨGERERA INTANETI KANA ĨGAIKIO MATHANDŨKŨ-INĨ MA MĨHOTHI ĨTEITHAGĨRĨRIA MAŨNDŨ-INĨ MAYA:

• 

  WĨRA WA THĨ YOTHE

  gwaka wabici cia honge na wabici cia ũtaũri o hamwe na gũteithĩrĩria wĩra ũrĩa ũrutagwo kuo

  cukuru cia gĩtheokrasi

  ndungata cia mwanya cia mahinda mothe

  gũteithĩrĩria hĩndĩ ya icanjama

  gũcaba mabuku, kũhaarĩria video, na kũhaarĩria indo cia gwĩkĩrũo intaneti-inĩ

• 

  MAHŨTHĨRO MA KĨŨNGANO

  mahũthĩro ma kĩũngano ta kũrĩhĩra indo iria irabatarania na kũmenyerera Nyũmba ya Ũthamaki

  mĩhothi o yothe kĩũngano kĩngĩkorũo gĩtuĩte ya gũtũmagwo wabici-inĩ ya rũhonge nĩ ũndũ wa:

  • gwaka Nyũmba cia Ũthamaki na Nyũmba cia Igomano thĩinĩ wa thĩ yothe

  • Mũbango wa Kũheana Ũteithio Thĩ Yothe

  • mawĩra mangĩ ma thĩ yothe

IGOMANO

Mĩhothi ĩrĩa ĩrutagwo hĩndĩ ya kĩgomano gĩa thikũ ithatũ ĩtũmagwo wĩra-inĩ wa thĩ yothe. Kwoguo, mahũthĩro ma igomano cia thikũ ithatũ, igomano cia mwanya, na igomano cia kĩĩmabũrũri marũgamagĩrĩrũo nĩ mĩhothi ĩyo ya wĩra wa thĩ yothe.

Mĩhothi ĩrĩa ĩrutagwo gũteithĩrĩria mũthiũrũrũko ĩhũthagĩrũo gũkombora nyũmba cia igomano, kũrĩhĩra mahũthĩro ma cio, gũcimenyerera, na kũhingia maũndũ mangĩ ma mũthiũrũrũko. Mũthiũrũrũko no ũtue itua rĩa gũtũmaga mbeca iria ciatigara kũrĩ wĩra wa thĩ yothe wa Aira a Jehova.