WĨRUTANĨRIE BIŨ ŨTUNGATA-INĨ | ONGERERA GĨKENO GĨAKU ŨTUNGATA-INĨ
Teithia Arutwo a Bibilia Gũthiĩ Mĩcemanio
Mĩcemanio ya kĩũngano nĩ gĩcunjĩ kĩa bata kĩa ũthathaiya mũtheru. (Thb 22:22) Arĩa othe macemanagia nĩguo mathathaiye Jehova nĩ magĩaga na gĩkeno na irathimo. (Thb 65:4) Arutwo a Bibilia nĩ makũraga na ihenya kĩĩroho rĩrĩa mathiĩ mĩcemanio mategũtĩrĩria.
Ũngĩteithia arutwo aku a Bibilia atĩa gũthiĩ mĩcemanio? Manyitage ũgeni kaingĩ. Monie video ya Nĩ Maũndũ Marĩkũ Mekagwo Nyũmba-inĩ ya Ũthamaki? Mataarĩrie ũguni wa gũthiĩ mĩcemanio. (lff ithomo rĩa 10) No ũmataarĩrie ũndũ wĩrutĩte mũcemanio-inĩ kana ũmeere maũndũ marĩa mekwarĩrĩrio mũcemanio-inĩ ũrĩa ũrũmĩrĩire. Nengera arutwo aku mabuku marĩa mekũhũthĩrũo mũcemanio-inĩ. Ningĩ no ũmahe ũteithio ũrĩa marabatara, ta kũmateithia ũrĩa mangĩũka mũcemanio-inĩ. Werutanĩria, nĩ ũgũkena mũno kuona mũrutwo waku okĩte mũcemanio riita rĩa mbere. —1Ko 14:24, 25.
WĨRORERE VIDEO YA TEITHIA ARUTWO AKU A BIBILIA GŨTHIĨ MĨCEMANIO, ŨCOKE ŨCOKIE CIŨRIA ICI:
Nĩ mweke ũrĩkũ Anita aahũthĩrire kũnyita Jane ũgeni mũcemanio-inĩ wa kĩũngano?
Nĩ kĩĩ gĩtũmaga tũkene rĩrĩa mũrutwo wa Bibilia oka mĩcemanio?
“Hatarĩ nganja Ngai arĩ gatagatĩ-inĩ kanyu”
Gwathiire atĩa rĩrĩa Jane aathiire mũcemanio riita rĩa mbere?