Teithia Arutwo a Bibilia Gwĩthema Thiritũ Njũru

Nĩguo arutwo a Bibilia magĩe na ũrata hamwe na Jehova no nginya mathuure arata ega. (Thb 15:1, 4) Arata ega nĩ mekũmateithia gwĩka ũrĩa kwagĩrĩire.—Thi 13:20; lff ithomo rĩa 48.

Rĩrĩa ũrateithia arutwo aku a Bibilia gwĩthema thiritũ njũru, macayagĩre. No ũkorũo ũrĩ ũndũ mũritũ harĩ o gũtigana na arata arĩa mararĩ nao hau kabere. Kwoguo nĩ wega kũmonia nĩ ũmendete o na rĩrĩa mũtarĩ na wĩruti hamwe nao. Kwa ngerekano, no ũmatũmĩre ndũmĩrĩri, ũmahũũrĩre thimũ, o na kana ũmaceerere. O ũrĩa arutwo aku marakũra kĩĩroho, no ũmanyite ũgeni manyitanĩre hamwe na aarĩ na ariũ a Ithe witũ. Ũndũ ũcio no ũmateithie kuona atĩ mekũgĩa na arata aingĩ gũkĩra arĩa megũtigana nao. (Mar 10:29, 30) O nawe nĩ ũkũgĩa na gĩkeno kuona atĩ famĩlĩ ya Jehova no ĩrongerereka.

WĨRORERE VIDEO YA TEITHIA ARUTWO AKU A BIBILIA GWĨTHEMA THIRITŨ NJŨRU, ŨCOKE ŨCOKIE CIŨRIA ICI:

• Thiritũ njũru nĩa?—1Ko 15:33

• Jane eeciragia kũngĩkorũo kũhaana atĩa rĩrĩa Akristiano macemania hamwe mekenie?

• Anita aateithirie Jane atĩa gũtigana na thiritũ njũru?