Hũthagĩra Ibuku rĩa Kenera Ũtũũro Tene na Tene! Gwaka Wĩtĩkio Harĩ Jehova na Jesu

Nĩguo arutwo a Bibilia makenie Ngai, no mũhaka makũrie wĩtĩkio mũrũmu. (Ahi 11:6) No tũhũthĩre ibuku rĩa Kenera Ũtũũro Tene na Tene! gũkinyĩra ngoro ciao. Ibuku rĩrĩ rĩa wĩruti rĩ na maandĩko ma mũthingi, ihooto njega, ciũria cia gũkinyĩra ngoro, video njega, na mbica thaka. Rĩrĩa twateithia arutwo gũkũria ngumo cia Gĩkristiano na gũkorũo na ũrata mwega hamwe na Ngai, tũkoragwo tũgĩaka na indo itangĩhĩa nĩ mwaki.​—1Ko 3:12-15.

Andũ amwe monaga arĩ ũritũ kũgĩa ũrata hamwe na Ngai tondũ matingĩhota kũmuona. Kwoguo nĩ tũrabatara kũmateithia nĩguo mamenye Jehova na mamwĩhoke.

WĨRORERE VIDEO YA HŨTHAGĨRA IBUKU RĨA “KENERA ŨTŨŨRO TENE NA TENE!” GWAKA WĨTĨKIO HARĨ JEHOVA, ŨCOKE ŨCOKIE CIŨRIA ICI:

• Tũramenya atĩa atĩ mwarĩ wa Ithe witũ nĩ ekwĩhaarĩirie wega nĩ ũndũ wa wĩruti?

• Ahũthĩra atĩa ciũria nini cia kuongerera nĩguo ateithie mũrutwo gũtaũkĩrũo nĩ Isaia 41:10, 13?

• Mũrutwo ũcio ahutio atĩa nĩ video na mĩhari ĩyo mathoma?

Andũ aingĩ matitaũkagĩrũo nĩ igongona rĩa ũkũũri, o na kana makarĩona rĩrĩ kĩheo Ngai amaheete o ene. (Ga 2:20) Kwoguo, no nginya tũmateithie gũkũria wĩtĩkio harĩ igongona rĩa ũkũũri rĩa Jesu.

WĨRORERE VIDEO YA HŨTHAGĨRA IBUKU RĨA “KENERA ŨTŨŨRO TENE NA TENE!” GWAKA WĨTĨKIO HARĨ JESU, ŨCOKE ŨCOKIE CIŨRIA ICI:

• Tũramenya atĩa atĩ mũrũ wa Ithe witũ nĩ ekwĩhaarĩirie wega nĩ ũndũ wa wĩruti?

• Ahũthĩra atĩa ũhoro ũrĩ gĩcunjĩ-inĩ kĩa “Rikĩra” gũteithia mũrutwo?

• Nĩkĩ mahoya nĩ ma bata harĩ mũrutwo?