No Tũtoorie Rũmena!

Angĩkorũo ndũrĩ wekwo, no kũhoteke waneyonera rũmena na njĩra ĩmwe kana ĩrĩa ĩngĩ. Nĩ twĩyonagĩra na tũkaigua andũ maramenwo nĩ ũndũ wa bũrũri ũrĩa maumĩte, rũrĩrĩ rwao, kana tondũ nĩ meingĩragia ngomanio-inĩ cia arũme kwa arũme kana cia atumia gwa atumia. Ũndũ ũcio o na nĩ ũtũmĩte thirikari nyingĩ ihĩtũkie mawatho ma kũrũa na rũmena rwa mĩthemba ĩtiganĩte.

Rũmena rũtũmaga rũmena rũthiĩ na mbere gũtherema. Andũ arĩa mekagwo maũndũ ma rũmena kaingĩ nĩ merĩhagĩria, na kwoguo rũmena rũgathiĩ na mbere gũtherema.

No kũhoteke wanahĩtũkĩra maũndũ ta mũthutũkanio, kĩmenyano, kũnyũrũrio, kũrumwo, na kwĩhĩtĩrũo. Kaingĩ rũmena rũu rwakĩra ruonanagio na ciĩko. Rũgaciara mbaara, ũthũkangia wa indo, ũici, andũ kũnyitwo kĩa hinya, na njũragano.

Kabuku gaka nĩ gegũcokia ciũria ici irũmĩrĩire, na konanie ũrĩa rũmena rũngĩtoorio:

• Rũmena rũingĩhĩte ũguo nĩkĩ?

• Nĩ kĩĩ kĩngĩteithia rũmena rũtige gũtherema?

• Hihi nĩ kũrĩ hĩndĩ rũmena rũgaathira biũ?