Maũndũ Mangĩgũteithia Gũthomaga Bibilia o Mũthenya

Hihi mĩhangʼo ya o mũthenya nĩ ĩtũmaga ũritũhĩrũo kũrũmĩrĩra mũtaratara waku wa gũthoma Kiugo kĩa Ngai o mũthenya? (Josh. 1:8) Maũndũ maya marũmĩrĩire no magũteithie:

• Korũo na kĩndũ gĩa gũkũririkanagia. Ĩkĩra aramu kĩndũ-inĩ ta thimũ, nĩguo ĩkũririkanagie gũthoma Bibilia.

• Igaga Bibilia yaku handũ ũramĩona. Angĩkorũo ũhũthagĩra Bibilia njabe, mĩigage handũ ũrĩmĩonaga na ihenya o mũthenya.—Gũcok. 11:18.

• Thikagĩrĩria Bibilia ĩrekondetwo. Thikagĩrĩria icunjĩ cia Bibilia iria irekondetwo ũkĩruta mawĩra maku. Mũciari ũmwe wĩtagwo Tara, ũrĩa ũkoragwo arĩ painia na arutaga wĩra ũtukũ aaugire, “Gũthikĩrĩria Bibilia ĩrekondetwo ngĩruta mawĩra ma nyũmba nĩ kũndeithagia kũrũmia mũtaratara wakwa wa gũthoma Bibilia.”

• Ndũgakue ngoro. Ũndũ ũterĩgĩrĩirũo ũngiumĩra na ũremwo gũthoma Bibilia ihinda-inĩ rĩrĩa ũbangĩire, tigĩrĩra nĩ wathoma naarĩ mĩhari mĩnini ũtanathiĩ toro. O na angĩkorũo ũrahota gũthoma mĩhari o mĩnini o mũthenya, nĩ ũrĩgunĩkaga.—1 Pet. 2:2.