Mateithie ‘Magwatĩrie Ũhoro Ũrĩa Metĩkĩtie’

Nĩ tũkenaga mũno kuona ũrĩa Jehova ararathima wĩra wa gũcokanĩrĩria andũ, tondũ makĩria ma andũ 250,000 nĩ mabatithagio o mwaka. (Gũcok. 28:2) Mũhunjia angĩteithia mũrutwo nginya kũbatithio, ahota gwĩciria atige kwĩruta nake, athiĩ agacarie angĩ. O nake mũrutwo no ecirie atige kwĩruta nĩgetha ahote kũhunjia mathaa maingĩ. O na kũrĩ ũguo, nĩ harĩ bata arutwo a Bibilia makorũo na mũthingi mũrũmu wa ũhoro ũrĩa wa ma. Nĩ magĩrĩirũo ‘kwĩhanda’ thĩinĩ wa Kristo na ‘magwatĩrie ũhoro ũrĩa metĩkĩtie.’ (Kol. 2:6, 7; 2 Tim. 3:12) Nĩ ũndũ ũcio, thutha wa mũrutwo kũbatithio, agĩrĩirũo gũthiĩ na mbere na wĩruti wa Bibilia nginya rĩrĩa akaarĩkia mabuku Bibilia Ĩrutanaga na “Wendo wa Ngai.”​—Rora Ũtungata Witũ wa Ũthamaki wa Ĩpuro 2011 karatathi ga 2.