ITHOMO RĨA 4

Kũhaarĩria Athikĩrĩria Ũtanathoma Maandĩko

Mathayo 22:41-45

NA NJĨRA NGUHĨ: Haarĩria meciria ma athikĩrĩria aku mbere ya gũthoma rĩandĩko.

Wĩcirie gĩtũmi gĩa gũthoma rĩandĩko rĩu. Ũtanathoma rĩandĩko, teithia athikĩrĩria aku mone ũndũ wa bata ũrĩa ũrenda kũrutana mũhari-inĩ ũrĩa ũgũthoma.

Rora ũhoro ũrĩa ũthiũrũrũkĩirie. Angĩkorũo ũtanathoma rĩandĩko nĩ ũkũgweta mũndũ ũrĩa ũraria thĩinĩ wa rĩandĩko kana ũrĩa waandĩkire ibuku rĩa Bibilia, tigĩrĩra atĩ maũndũ marĩa ũkuuga nĩ ma ma.
Onania atĩ Bibilia nĩyo mũthingi wa ũrutani waku. Rĩrĩa ũraria na andũ metĩkĩtie Ngai, mateithie kuona Bibilia ĩrĩ Kiugo kĩa Ngai, na njĩra ĩyo wonanie atĩ nĩyo kĩhumo kĩrĩa kĩnene kĩa ũũgĩ.
Arahũra wendi wa kũmenya ũrĩa rĩandĩko riugĩte. Ũria kĩũria gĩgũcokio nĩ rĩandĩko rĩu, gweta thĩna mũna ũrĩa rĩandĩko rĩu rĩkuonania kĩhonia kĩaguo, kana ũgwete ũtaaro ũgũtaarĩrio nĩ rĩandĩko rĩu.

Wĩcirie ũhoro wa maũndũ marĩa athikĩrĩria aku moĩ igũrũ rĩgiĩ ũndũ ũrĩa ũrarĩrĩria na rĩandĩko rĩrĩa ũgũthoma. Hũthĩra ciugo ikũgucĩrĩria ũtanathoma nginya rĩandĩko rĩũĩkaine mũno, na ũteithie athikĩrĩria aku mataũkĩrũo nĩrĩo na njĩra ĩngĩ.