Gũthoma Ũtekũhĩtia

1 Timotheo 4:13

NA NJĨRA NGUHĨ: Thoma na kayũ ũhoro ũrĩa mwandĩke ũtekũhĩtia.

ŨRĨA ŨNGĨKA ŨGUO:

• Wĩhaarĩrie wega. Wĩcirie kĩrĩa gĩatũmire ũhoro ũcio wandĩkwo. Wĩmenyerie gũthoma ciugo irĩ gĩkundi, to kiugo kĩmwe kĩmwe. Wĩmenyerere kuongerera ciugo, kũrũgĩrĩra, kana gũcenjania ciugo na ingĩ. Rũmĩrĩra marũũri mothe ma rũthiomi.

• Tamũka o kiugo ũrĩa kĩagĩrĩire. Angĩkorũo ndũĩ ũrĩa kiugo gĩtamũkagwo, rora ibuku-inĩ rĩa gũtaarĩria ciugo, ũthikĩrĩrie ũhoro ũrekondetwo wa ibuku rĩu, kana ũũrie mũndũ ũĩ gũthoma wega agũteithie.

• Aria na njĩra ĩraiguĩka wega. Tamũka ciugo ũbacĩrĩire, ũtiirĩte mũtwe na ũhingũrĩte kanua wega. Wĩrutanĩrie gũtamũka ciugo na njĩra ĩraiguĩka wega.