ITHOMO RĨA 1

Kĩambĩrĩria Kĩega

Atũmwo 17:22

NA NJĨRA NGUHĨ: Thĩinĩ wa ciugo ciaku cia kwambĩrĩria, wagĩrĩirũo kwarahũra wendi, ũgwete ũndũ ũrĩa ũkwarĩrĩria, na wonanie kĩrĩa kĩagĩrĩire gũtũma athikĩrĩria aku magucĩrĩrio nĩ ũndũ ũcio.

ŨRĨA ŨNGĨKA ŨGUO:

Arahũra wendi. Thuura kĩũria, ciugo, ũndũ wonetwo, kana ũndũ ũrĩ mohoro-inĩ ũrĩa ũngĩgucĩrĩria athikĩrĩria aku.

Wĩcũranie kabere maũndũ marĩa mangĩgucĩrĩria athikĩrĩria aku hamwe na marĩa maramathumbũra, ũcoke ũmahũthĩre ciugo-inĩ ciaku cia kwambĩrĩria.
Gweta ũndũ ũrĩa ũkwarĩrĩria. Tigĩrĩra atĩ ciugo-inĩ ciaku cia kwambĩrĩria, athikĩrĩria aku nĩ mekũmenya wega ũndũ ũrĩa ũrenda kwarĩrĩria na muoroto wa ũhoro ũcio.
Onania bata wa ũndũ ũrĩa ũkwarĩrĩria. Reke maũndũ marĩa ũkuuga matwarane na mabataro ma athikĩrĩria aku. Nĩ magĩrĩirũo gũtaũkĩrũo wega ũrĩa ũndũ ũcio ũkwarĩrĩria ũngĩmateithia marĩ mũndũ ũmwe ũmwe.

Ũkĩhaarĩria mĩario, wĩyũrie atĩrĩ, ‘Nĩ maũndũ marĩkũ aarĩ na ariũ a Ithe witũ kĩũngano-inĩ gitũ maracemania namo?’ Ũcoke ũbange ciugo ciaku cia kwambĩrĩria kũringana na mabataro mao.