GŨCOKERA ANDŨ
ITHOMO RĨA 9
Ũcayanĩri
Ũtaaro: “Kenagai hamwe na arĩa marakena; rĩragai hamwe na arĩa mararĩra.”—Rom. 12:15.
Ũrĩa Jesu Eekire
1. Wĩrorere VIDEO ĩno, kana ũthome Mariko 6:30-34. Ũcoke ũcokie ciũria ici:
Nĩ kĩĩ gĩatũmĩte Jesu na atũmwo ake mende gũkorũo “marĩ oiki”?
Nĩ kĩĩ gĩatindĩkire Jesu kũruta kĩrĩndĩ?
Tũreruta Atĩa na Jesu?
2. Ũcayanĩri nĩ ũrĩtũteithagia kũrũmbũiya andũ, to kũmahunjĩria tu.
Wĩgerekanie na Jesu
3. Thikĩrĩria na kinyi. Reke mũndũ ũrĩa ũrahunjĩria akorũo na ihinda rĩa kwĩyaria. Ndũkamũtinie akĩaria kana ũhiũhe gũteanĩria mawoni make kana ciũria ciake. Rĩrĩa wamũthikĩrĩria na kinyi, ũronania atĩ nĩ ũrarũmbũiya mawoni make.
4. Wĩcirie igũrũ rĩgiĩ mũndũ ũcio ũrakenio nĩ ũhoro mwega. Kũringana na ndeereti iria mũkoretwo nacio nake, wĩyũrie:
‘Arabatara kũmenya ũhoro wa ma nĩkĩ?’
‘Kwĩruta Bibilia kũngĩagagĩria atĩa ũtũũro wake ihinda-inĩ rĩrĩ na ihinda rĩũkĩte?’
5. Arĩrĩria maũndũ marĩa mangĩmũteithia. O na ihenya ũrĩa kwahoteka, muonie ũrĩa kwĩruta Bibilia kũngĩcokia ciũria ciake na kũmũteithie maũndũ-inĩ ma ũtũũro wa o mũthenya.