Wetereri

Ũrĩa Jesu Eekire

VIDEO: Jesu Gũteithia Mũrũ wa Nyina arĩ na Wetereri

1. Wĩrorere VIDEO ĩno, kana ũthome Johana 7:3-5 na 1 Akorintho 15:​3, 4, 7. Ũcoke ũcokie ciũria ici:

1. Ariũ a nyina na Jesu maamũkĩrire atĩa ndũmĩrĩri yake kĩambĩrĩria-inĩ?

2. Nĩ kĩĩ kĩronania atĩ Jesu ndaanogire gũteithia mũrũ wa nyina Jakubu?

Tũreruta Atĩa na Jesu?

2. Nĩ tũrabatara gũkorũo na wetereri tondũ andũ amwe nĩ moyaga ihinda iraihu gwĩtĩkĩra ũhoro mwega gũkĩra arĩa angĩ.

Wĩgerekanie na Jesu

3. Geria njĩra ĩngĩ ngũrani. Mũndũ angĩrega gwĩtĩkĩra wĩruti wa Bibilia o na ihenya, ndũkamũtindĩkĩrĩrie. Ũngĩona kwagĩrĩire, hũthĩra video na icunjĩ itiganĩte kũmũteithia gũtaũkĩrũo ũrĩa wĩruti wa Bibilia wĩkagwo na ũrĩa angĩgunĩka.

4. Ndũkaringithanie andũ. O mũndũ nĩ ngũrani na ũrĩa ũngĩ. Mũndũ wa famĩlĩ kana mũndũ ũrĩa ũracokera angĩritũhĩrũo gwĩtĩkĩra wĩruti wa Bibilia kana gwĩtĩkania na ũrutani mũna wa Bibilia, geria kũmenya gĩtũmi. Hihi nĩ harĩ ũrutani mũna wa ndini onaga ũrĩ wa bata mũno harĩ we? Hihi nĩ arokĩrĩrũo nĩ andũ a famĩlĩ kana arĩa mariganĩtie nao? Mũhe ihinda rĩa gwĩciria ũrĩa wamwĩra na kuona bata wa maũndũ marĩa Bibilia yugaga.

5. Hoera mũndũ ũcio wakenio nĩ ũhoro mwega. Hoya Jehova agũteithie gũkorũo na mawoni mega kwerekera mũndũ ũcio na kũhũthĩra ũũgĩ. Mũhoe agũteithie kũmenya nĩ rĩ ũngĩtiga gũceerera mũndũ ũtarakenio mũno nĩ ũhoro mwega.—1 Kor. 9:26.