Ũhoro Andũ Megũtaũkĩrũo

1 Akorintho 14:9

NA NJĨRA NGUHĨ: Teithia athikĩrĩria aku mataũkĩrũo nĩ ndũmĩrĩri yaku.

ŨRĨA ŨNGĨKA ŨGUO:

• Wĩrute biũ ũhoro ũrĩa ũkwarĩrĩria. Taũkĩrũo wega nĩ ũhoro ũrĩa ũkwarĩrĩria nĩguo ũhote kũũtaarĩria na njĩra hũthũ ũkĩhũthĩra ciugo ciaku mwene.

• Hũthĩra ciugo nini na hũthũ ũkĩaria. O na gũtuĩka nĩ ũndũ mwĩtĩkĩrĩku kũhũthĩra ciugo nyingĩ ũkĩaria, nĩ wega gũtaarĩria maũndũ marĩa manene ũkĩhũthĩra ciugo nini irakinyia ũhoro ĩmwe kwa ĩmwe.

• Taarĩria ciugo iria itoĩkaine. Kũngĩhoteka, ndũkahũthĩre ciugo itoĩkaine nĩ athikĩrĩria aku. Angĩkorũo no mũhaka ũgwete kiugo gĩtoĩkaine, mũndũ ũgwetetwo thĩinĩ wa Bibilia, kana ithimi cia tene kana ũndũire, nĩ wega gũtaarĩria.