Kala u na onheni

Osho Jesus a ninga

OKAVIDIO: Jesus ta kwafele omumwainamati waye nonheni

1. Tala OKAVIDIO, ile lesha Johannes 7:3-5 nosho yo 1 Ovakorinto 15:3, 4, 7. Opo nee to nyamukula omapulo taa shikula:

1. Ovamwainamati vaJesus ova li ve linyenga ngahelipi ketumwalaka laye pehovelo?

2. Oshike tashi ulike kutya Jesus okwa twikila okukwafela omumwainamati waye, Jakob?

Oshike hatu lihongo kuJesus?

2. Otwa pumbwa onheni, molwaashi ohashi pula efimbo, opo vamwe va tambule ko onghundana iwa.

Hopaenena Jesus

3. Kendabala onghedi imwe i lili. Ngeenge omunhu ina tambula ko diva ekonakonombiibeli, inatu mu fininika. Ngeenge otashi shiiva, longifa ouvidio, ile oitukulwa oyo tai dulu oku mu kwafela, opo a mone kutya oshike hashi ningwa pekonakonombiibeli nanghee ta dulu okumona mo ouwa.

4. Ino yelekanifa ovanhu. Ovanhu ova yoolokafana. Ngeenge umwe womovapambele voye, ile umwe oo wa ninga elishuneko kuye ota ongaonga okutambula ko ekonakonombiibeli, ile omahongo Ombiibeli, lipula kutya omolwashike. Mbela oku li melongelokalunga lonhumba? Mbela oha fininikwa kovapambele, ile kovashiinda? Mu pa efimbo, opo a diladile kwaasho mwa kundafana nosho yo okuulika olupandu laasho Ombiibeli ya popya.

5. Ilikana kombinga yomunhu oo e na ohokwe. Pula Jehova e ku kwafele u kale u na etaleko liwa nosho yo elungi. Ilikana u mone eendunge dokuyoolola, opo u shiive kutya onaini u na okweefa po okuya komunhu, oo ehe na ohokwe. — 1 Kor. 9:26.